Донесени се националните стратегии за борба против тероризмот и екстремизмот

sdsm-logo

 

Владата на Република Македонија во рамките на Планот за итните реформски приоритети го вети следното:

Ветување: Усвојување на Националната стратегија на Република Македонија за борба против тероризмот со Акциски План.

Усвојување на Националната стратегијата на Република Македонија за спречување на насилниот екстремизам со Акциски План.

 [Извор: Влада на РМ – Наративен план 6-9, датум: крај на 2017 година]

 

ОБРАЗЛОЖЕНИЕ:

Во рамките на својот прецизен План за итни реформски приоритети 3-6-9, Владата на Република Македонија во делот Наративен план 6-9, во областа Реформи на безбедносните служби, вети и две мерки кои се однесуваа на усвојување на две национални стратегии, за кои по проверката од два извора констатираме дека се усвоени.

Станува збор за Нацоналната стратегија на Република Македонија за борба против тероризмот со Акциски план и Националната стратегија на Република Македонија за спречување на насилниот екстремизам со Акциски план.

На сајтот на Владата каде се објавуваат и соопштенија од седниците на Владата, може да се прочита дека двете стратегии биле разгледани и усвоени од страна на министрите и премиерот:

На седницата беше донесена и Национална стратегија на Република Македонија за спречување на насилен екстремизам, со Акциски план за имплементација и Национална стратегија на Република Македонија за борба против тероризам, со Акциски план за имплементација.

Соопштението објавено на 06.03.2018 година се однесува на 57-та редовна седница на Владата на РМ, одржана ден порано 5.03.2018 година.

Со оглед дека двете мерки во Наративниот план биле предвидени за усвојување до крајот на фервруари годинава, може да се констатира дека мерките се исполнети без задоцнување (минималното од неколку дена не се смета, зашто се чекало на прва наредна седница на влада за документи кои веќе биле готови).

 

ИЗВОРИ:

 

Оцени: Тео Блажевски

 


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.

Напишете коментар

Вашата адреса за е-пошта нема да биде објавена. Задолжителните полиња се означени со *