Илија Димовски
Изјави
Истакнат пратеник и партиски функционер на ВМРО-ДПМНЕ
ПРИВАТЕН ЖИВОТ
Роден на 10 август 1980 година во Велес.
ОБРАЗОВАНИЕ
Дипломиран правник на Правен факултет „Јустинијан Први“- Скопје. Постдипломец на Правен факултет „Јустинијан Први“- Скопје.
ПОЛИТИЧКА КАРИЕРА
Илија Димовски од 2006 година до денес е пратеник во Собранието на Република Македонија од редовите на ВМРО-ДПМНЕ.
Од 2007 до 2015 година Димовски беше Директор на Центарот за комуникации на ВМРО-ДПМНЕ.
Од 2015 година е координатор на пратеничката група на ВМРО-ДПМНЕ во Парламентот на Република Македонија.
Како пратеник во Собранието е член на Национален совет за евроинтеграции, на Совет на Собранискиот канал, како и на неколку комисии. Шеф е на Делегација на Собранието на Република Македонија во Парламентарното собрание на Медитеранот, како и член на неколку пратенички групи за соработка со други парламенти.
ФООМ
Илија Димовски бил член на пододборот на Фондација Отворено Општество – Македонија (ФООМ) за доделување грантови за младински програми.
Бомбите
Неговото име беше споменувано во „бомбите“ и со тоа влезе во листата на инкриминирани функционери од власта. Во 25-тата „бомба“ слушаме како ургира кај Јанкулоска некои лица да добијат притвор. Во 20-тата „бомба“ слушаме како со Јанкулоска дефинира кој член на ВМРО-ДПМНЕ ќе го „пикнат“ во одбор на Агенцијата за пошти, за дебел хонорар.
ИЗВОРИ
Веб-сајт на Собрание на Република Македонија – Пратенички состава 2014-2016: Илија Димовски
Дојче Веле: И претседателот Иванов – „секташ“ во соросовата Фондација (26 мај 2016)
Вистиномер: Прислушувани разговори – сет 25: Полициското куче не разликува партии
Вистиномер: Прислушувани разговори – сет 20: Премиерот вработува „миленичиња“
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар