Не е изграден нов сточен пазар во Чешиново-Облешево

Од Ана Анастасовска 0
Фото: Општински портал на Чешиново-Облешево

Проект: „Проширување и модернизирање на сточниот пазар“. Сточниот пазар во Чешиново-Облешево е најголем сточен пазар во источна Македонија. Со измени на Генералниот урбанистички план ќе пристапиме кон инфраструктурно уредување на постојниот сточен пазар. Новиот пазар ќе биде изграден во согласност со најновите модерни и современи стандарди за работа на сточните пазари. На овој начин ќе го поддржиме отворањето капацитети за преработка на месо и на месни производи и ќе придонесеме за поефикасна работа на граѓаните што се занимаваат со оваа дејност. Средства: 1.216.000,00 денари. Извори на финансирање: Буџет на Република Македонија. Рок: 2015 година

ОБРАЗЛОЖЕНИЕ:

Ветувањето за проширување и модернизирање на сточниот пазар во Чешиново-Облешево е неисполнето ветување на тамошниот градоначалник, Костадин Личков. Проектот е дел од неговата предизборна програма за локалните избори 2013-2017 година, насловена како „Нови дела за нов напредок, нови дела за подобра Општина Чешиново-Облешево!“ (стр.35).

Градоначалникот на Чешиново-Облешево на 23.08.2017 година одржа прес-конференција на која даде отчет за сработеното.

Изминатиов период работевме напорно и совесно со основна цел да ја направиме општина Чешиново-Облешево, пристојно место за живеење. Се трудевме да одиме чекор по чекор во остварување на зацртаните цели и остварување на зацртаното од Програмата. Реализирани се поголем број на инфраструктурни проекти кои се од огромно значење за жителите. Работевме постојано на изработка на проекти кои се во насока на подобрување на условите во општината, истакна градоначалникот на општина Чешиново-Облешево, Костадин Личков, кој даде отчет за сработеното во изминативе 4 години, пренесе Курир.

Но, на прес-конференцијата, Личков не спомна дека е изграден нов сточен пазар во неговата Општина.

Проектот како завршен не е спомнат ниту во неговиот Отчет за сработеното кој е објавен на официјалната веб страна на Општина Чешиново-Облешево.

На интернет пребарувачите, како и на официјалната страна на Oпштината, никаде нема информација дека е започната некаква постапка во врска со сточниот пазар. Со цел да добиеме конкретен опдговор, се обративме во Општината, од каде ни потврдија дека нов сточен пазар досега не е изграден и дека сè уште функционира стариот.

Имајќи го предвид сето ова, може да се заклучи дека ветувањето на Личков за изградба на нов сточен пазар во Чешиново-Облешево е неисполнето.

 

ИЗВОРИ:

 

Оцени: Ана Анастасовска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN