Нема нова градинка во Расадник

vmro-dpmne-logo

Проект: Изградба на нов комплекс кај постојната градинка во населбата Расадник.

Општината Кисела Вода ќе преземе активности за изградба на нов комплекс како доградба на постојната градинка во населбата Расадник за 160 деца. Средствата за овој проект ќе ги обезбеди општината Кисела Вода. (Рок за реализација: ноември 2015)

 

ОБРАЗЛОЖЕНИЕ:

Ветувањето за изградба на нова градинка во населбата Расадник е неисполнето ветување на градоначалничката на Кисела Вода, Билјана Беличанец. Проектот е дел од нејзината програма за локалните избори 2013-2017 година, насловена како „Нови дела за нов напредок, нови дела за подобра Кисела Вода!“ (стр.53). Истиот проект го вети во изборната кампања за овие локални избори (2017) и нејзиниот партиски колега, кандидатот за градоначалник на Кисела Вода од редовите на ВМРО-ДПМНЕ, Јохан Тарчуловски.

Тарчуловски во својата кампања пред првиот круг од изборите кои се одржаа на 15 октомври (2017), вети изградба на нова градинка во населбата Расадник.

Кандидатот за градоначалник на ВМРО – ДПМНЕ за општина Кисела Вода, Јохан Тарчуловски, денеска на прес конференција соопшти дека

Во изминатиот период беа изгрдени 3 нови градинки по сите современи стандарди и тоа во Пинтија, Припор и Црниче. Населени места кои за првпат добија градинки и можност за родителите од тие места најблиску и најсоодветно да ги згржат своите најмили. Но, тука не застануваме, ќе продолжиме со грижата за најмладите жители на општина Кисела Вода и ќе изградиме уште 2 нови градинки и тоа овде во населбата Расадник и во населбата Драчево, истакна Тарчуловски, јави Република.

Во Отчетот на Беличанец за сработеното во мандатот 2013-2017 година, „1460 дела“, во делот на зголемување на бројот на градинки во Општината, нема информација за изградба на нова градинка во Расадник.

Следејќи ги приоритетите кои уште на самиот почеток ги дефиниравме заедно со жителите на овој дел од градот, во овие 4 години интензивно работевме на зголемување на бројот на капацитети за згрижување на децата од предучилишна возраст и подобрување на условите во постоечките објекти. Ова резултираше со 3 нови градинки, градени по сите современи стандарди, кои Општина Кисела Вода ги отвори во делови од општината во кои претходно воопшто немаше градинки. Со реконструкција и преадаптирање на две простории од ПОУ „Круме Кепески“ и со доградба, ја отворивме градинката “Стапалче” во Припор, изградивме сосема нов објект за градинката “Ѓурѓица” во населбата Пинтија а градинката “Перуника” во Црниче ја отворивме во дел од реновираното ПОУ “Кузман Јосифовски Питу”, е наведено во отчетот.

Имајќи го предвид сето погоре, може да се заклучи дека ветувањето на Беличанец за изградба на нов комплекс како доградба на постојната градинка во населбата Расадник за 160 деца, е неисполнето.

 

ИЗВОРИ:

 

Оцени: Ана Анастасовска


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.

Напишете коментар

Вашата адреса за е-пошта нема да биде објавена. Задолжителните полиња се означени со *