Никовски: Премиерот е повикан во САД за да биде уценуван и суден!
Aмбасадорот Ристо Никовски во својата колумна за порталот МКД (10.01.2016), насловена „Во Вашингтон, прек суд за Груевски“, меѓу другото, напиша:
По правило, секоја покана во Белата куќа, во Вашингтон, е особена чест. Сме читале што сѐ прават поедини премиери, претседатели… за да бидат таму примени. За жал, во нашиов случај чувствата се сосема спротивни: сите мораме да бидеме длабоко загрижени бидејќи премиерот е повикан, пред сѐ, за да биде уценуван и суден, за да дава непринципиелни отстапки. Прек суд е политички орган кој најостро казнува по кратка постапка, без да се базира на никакви закони. Токму такво нешто, или, поточно – пекол го чека Груевски во Вашингтон
Извор: МКД Датум: (10.01.2016)
Образложение:
Но, наспроти ваквиот негов став, од Американската амбасада на 11.01.2016 година (попладнето пред средбата Груевски-Бајден која, пак, се случи доцна вечерта по македонско време), известија дека посетата на премиерот на Вашингтон била на негово барање.
Владата на Република Македонија барала премиерот Груевски денеска (11.01.2016) да се сретне со потпретседателот на САД, Џо Бајден за да разговараат за спроведувањето на договорот од Пржино, за безбедносни како и за останати прашања од заеднички интерес. [Пристапено на: 12.01.2016]
Од ова јасно се гледа дека изјавата на Никовски по повод ненадејната посета на Груевски на САД, во која тој вели дека „ премиерот е повикан пред сѐ за да биде уценуван и суден“ , е невистинита
Извори:
- МКД (10.01.2016): Во Вашингтон, прек суд за Груевски [Пристапено на: 12.01.2016]
- Тиме.мк (11.01.2016): Амбасада на САД во Македонија: Груевски бараше средба со Бајден [Пристапено на: 12.01.2016]
- МКД (11.01.2016): Амбасада на САД во Македонија: Груевски бараше средба со Бајден [Пристапено на: 12.01.2016]
Оценето од: Оливера Војновска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
