Оливер Спасовски
На 31.05. 2017 година Оливер Спасовски е избран за министер за внатрешни работи во Владата на Република Македонија.
ПРИВАТЕН ЖИВОТ
Оливер Спасовски е роден на 21 октомври 1976 во Куманово. Оженет e со Катерина со која имаат две деца.
ОБРАЗОВАНИЕ
Основно и средно училиште завршил во Куманово. Дипломирал на правниот факултет „Јустинијан I” при универзитетот „Св. Кирил и Методиј“ во Скопје.
Во моментов е магистрант по управно право на правниот факултет „Јустинијан I” при универзитетот „Св. Кирил и Методиј“ во Скопје.
Зборува англиски и француски јазик.
КАРИЕРА
Во 2000 година работел како адвокатски приправник.
Од 2001 до 2005 година работи како советник на градоначалникот на Куманово.
Од 2006 до 2008 година бил пратеник во Собранието на Република Македонија
Од 2008 до 2011 година работи како секретар на Општина Куманово.
Од 2011 до 2014 година бил пратеник во Собранието на Република Македонија
Во овој пратенички мандат ( 2011 – 2014) е претседател на Парламентарната група на Собранието на Република Македонија за соработка со Парламентот на Украина и член на Делегацијата на Собранието на Република Македонија во Парламентарниот комитет за стабилизација и асоцијација, Парламентарната група на Собранието на Република Македонија за соработка со Парламентот на Народна Република Кина, Парламентарната група на Собранието на Република Македонија за соработка со Парламентот на Португалската Република и Парламентарната група на Собранието на Република Македонија за соработка со Парламентот на Република Словенија.
Од 11 ноември 2015 до 18 мај 2016 година Спасовски ја извршуваше фунцкијата министер за внатрешни работи, во Владата која требаше да обезбеди услови за спроведување на фер и демократски избори.
На 2 септември 2016 година тој повторно беше избран за министер за внатрешни работи и оваа функција ја извршуваше до 28 декември 2016 година, кога Државната изборна комисија ги соопшти конечните резутлати од одржаните предвремени парламентарни избори 2016.
Од декември 2016 до 31.05.2017 – пратеник во Собранието на Република Македонија
ПОЛИТИЧКА КАРИЕРА
Од 1999 година бил член на Претседателството на Општинската организација на СДСМ Куманово.
Во периодот од 2000 до 2003 година бил секретар на Општинската организација на СДСМ Куманово.
Во периодот од 2003 до 2004 година бил член на Претседателство на Централниот одбор на СДСМ.
Од 2005 до 2006 година бил организационен секретар на СДСМ.
Во 2013 година е избран за генерален секретар на СДСМ, на оваа партиска функција е до мај 2017 година.
****Обновено на 01.06.2017 година
ИЗВОРИ
- Собрание на РМ: Предлог за состав на Влада на Република Македонија
- МВР – Биографија на министерот
- Собрание на Република Македонија – Оливер Спасовски
- Википедија на македонски – Оливер Спасовски
- (11.11.2015) Мета – Спасовски ја презеде полициската фотелја од Чавков
- (18.05.2016) Радио Слободна Европа – Вељаноски ги констатираше оставките на министрите на СДСМ
- (02.09.2016) Мета – Собранието ги изгласа министрите на СДСМ во преодната влада
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
