Отворен е Дневниот центар за стари лица во Маџари
Отворање дневен центар за стари лица во општина Гази Баба, со поддршка од Владата на Република Македонија, со што ќе овозможиме целосна заштита и грижа за старите лица Рок: ноември 2014 година
ОБРАЗЛОЖЕНИЕ
Ваков Дневен центар за стари лица пред повеќе од две години е отворен во населбата Маџари (Општина Гази Баба). Овој проект е исполнето ветување на градоначалникот на Гази Баба, Тони Трајковски, најавено во неговата изборна програма „Нови дела за нов напредок, нови дела за подобра Општина Гази Баба“(стр.65), со која тој излезе за локалните избори во 2013 година
На 30.06.2013 година, на официјалната веб страна на Владата на РМ беше објавена информација дека стартува изградбата на дневниот центар за стари лица во Гаи Баба.
Започна реконструкцијата на Кино Маџари, објект кој што е предвиден за изградба на Дневен центар за стари лица во општината Гази Баба. На отпочнувањето на реконструкцијата присуствуваа министерот за труд и социјална политика Диме Спасов, градоначалникот на општината Тони Трајковски, како и претседателот на Сојузот на здруженија на пензионери Драги Аргировски.
На Фејсбук страната на општина Гази Баба, на 17.02.2014 година беше најавено дека на 19. 02 2014, во објектот на поранешното кино Маџари, ќе биде пуштен во употреба Дневниот центар за пензионери.
Информацијата дека Центарот стартува со работа беше објавена во повеќе медиуми, на 19.02.2014 година меѓу кои и на овој портал.
Дневниот центар и центарот за давање помош во домашни услови, ќе функционира во простории коишто се прилагодени и приспособени за работа со лица во трето доба и истиот се формира во рамките и под надлежност на Општина Гази Баба
Имајќи го предвид сето ова, може да се каже дека ова ветување на градоначалникот на Гази Баба, Тони Трајковски е исполнето девет месеци пред зададениот рок во изборната програма.
ИЗВОРИ:
- Изборна програма на ВМРО-ДПМНЕ за локалните избори 2013 година – Нови дела за нов напредок, нови дела за подобра општина Гази Баба (стр.65) [Пристапено:16.05.2016]
- Официјална веб страна на Влада на РМ (30.06.2013) Започна да се гради Дневниот центар за стари лица во Гази Баба [Пристапено:16.05.2016]
- Фејсбук страна на општина Гази Баба (17.02.2014) Отворање на Дневен центар за стари лица во Гази Баба [Пристапено:16.05.2016]
- Вести (19.02.2016): Реновиран Дневниот центар за стари лица во Маџари [Пристапено:16.05.2016]
- Лидер (19.02.2014) Реновиран Дневниот центар за стари лица во Маџари [Пристапено:16.05.2016]
Оценето од: Ана Анастасовска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар