Прислушувани разговори – сет 30: Никола Младенов

 

Прислушуваните разговори презентирани во овој сет покажуваат дека образложението на власта за загинувањето на Никола Младенов не „држи вода“, рече Заев на прес-конференцијата на која го презентираше овој сет. Тоа го гледаме и од еден разговор во кој Иво Котевски кажува дека истражниот судија направил утки во истрагата – но тоа според него не треба да се кажува во јавноста.

 

Овој сет прислушувани разговори раѓа сомнеж од гигантски размери во официјалната верзија за загинувањето на новинарот Никола Младенов, покажувајќи дека истрагата се водела лошо, а многу клучни информации за несреќата, кои може да создадат друга слика, се прикривани. Од разговорите дознаваме оти тешко може да се прифати како вистинито она што беше тврдено официјално: дека нема знаци за судир со друго возило; дека не можело да се утврди каде бил Младенов пред трагичниот настан; дека не е пронајден телефонот на Младенов; дека на местото на настанот не биле пронајдени фискални сметки; дека телото на Младенов било пронајдено на 7 метри од возилото; дека причината за несреќата е неприлагодена брзина на автомобилот кон условите на патот, нагласи лидерот на СДСМ на прес-конференцијата.

 

УТКИТЕ НЕ СМЕЕЛО ДА ИЗЛЕЗАТ ВО ЈАВНОСТ

Првите два разговора се помеѓу Гордана Јанкулоска и Мартин Протуѓер. Во првиот Протуѓер бара МВР да не излегува со никакви сознанија во јавноста; а во вториот слушаме јасна потврда од министерката дека телото и „мерцедесот“ биле пронајдени преку лоцирање на мобилниот телефон на Младенов, а официјалните информации соопштени на медиумите беа дека мобилниот на Младенов не бил пронајден. Дека откривањето на телото е со помош на лоцирање на мобилниот слушаме и во следниот разговор, помеѓу Влатко Мијалков и непознато лице.

Во разговорите кои понатаму ќе ги слушнеме се потврдува дека истражниот судија, кој бил назначен да го води случајот Младенов, за прв пат работел на ваков случај и немал искуство. Помошникот на Јанкулоска, Иво Котевски, вели дека истражниот судија направил утки во истрагата, дека судијата не го бива, но тоа, според него, не треба да се кажува во јавноста. Иво Котески признава дека во МВР се некоординирани и дека УБК воопшто не соработувала со истражниот судија и дека истражниот судија не знаел ни каде да го прати возилото на Младенов на вештачење.

 

„ИДИОТОВ ТОМЧЕ“ СО ФИСКАЛНИТЕ СМЕТКИ И СУДИЈАТА ИСПЛАШЕН КАКО ЗАЈАК

Потоа следува разговор на Јанкулоска и Протуѓер, во кој тој ја информира министерката дека примил порака од Жоро (Зоран Димитровски, тогаш главен уредник на „Нова Македонија“), кој го информира дека има докази за несреќата на Младенов кои се земени од местото (тоа се фискалните сметки, кои ги пронајде новинарот Томислав Кежаровски). Двајцата решаваат да го упатат Димитровски на истражниот судија или на обвинителот, Јанкулоска се нуди да му закаже со дежурниот обвинител, а може и „со Марко директно“, мислејќи на Зврлевски.

Во разговорот потоа, меѓу Јанкулоска и Котевски, гледаме колку е Котевски изнервиран од „идиотов Томче“, мислејќи на Кежаровски, кој во „Нова Македонија“ ги објави фотографиите од фискалните сметки што ги нашол на местото на несреќата. За Јанкулоска пронајдените фискални не се релевантни. Потоа слушаме каква паника во Основен суд Скопје 1 и кај истражниот судија предизвикал написот во „Нова Македонија“, како и тоа што некои полицајци ширеле различни верзии (најверојатно и за работата на истражниот судија), па имало и барање МВР да даде демант за гласини… Котевски и Јанкулоска се шегуваат со неискусниот истражен судија „некој од овие многу тазе примени“, а Јанкулоска вели „преку општински“, мислејќи на некој Општински комитет на ВМРО-ДПМНЕ, од каде се испраќале списоци на членови за партиски вработувања.

 

ПАНИКА ПОРАДИ ДРУГАТА БОЈА

Но во овој разговор се откриваат и други клучни докази за овој случај, коишто раѓаат сериозни сомневања. Котевски ја информира Јанкулоска дека на задниот дел од автомобилот на Младенов имало, како што вели, „некаква боја“ за којашто вештаците на МВР наводно не можеле да кажат колку е стара.  Тој вели „не дај боже информација да излезе, си ебавме мајката, иди после докажувај се ти…“. Потоа се договараат што да се одговори на новинари што ќе прашуваат зошто не е се подигнато од местото на несреќата. Слушаме потврда дека не се подигнати сите предмети, а за Котевски е битно тоа што имало фотографии од тие предмети.  За Котевски и Јанкулоска пронаоѓањето на фискалните сметки од патарините се неважни а траекторијата на движењето на Младенов не е информација којашто треба да ја дознае јавноста.  Котевски кажува дека по локација на базните станици, УБК ја утврдило целата траекторија на движење на Младенов.  Јанкулоска вели дека информацијата како се движел Младенов не е „за у јавност“. Потоа од Котевски слушаме дека не работеле камерите на наплатните станици на патарините, како и на влезот во Скопје, кај населбата Ченто. Јанкулоска вели дека тоа не е работа што треба да ги интересира новинарите…

 

КОЈ Е СЛЕДНИОТ ОД НОВИНАРИТЕ?

Во последниот разговор од овој сет  Котевски и Јанкуловска, прават црн хумор и се гневат зошто новинарите толкаво признание му оддаваат на Младенов. Слушаме и како Котевски го ангажирал Трендо на Горан Теменугов да му праќа пораки „Кој е следниот“, „Виде ли што се случи со Николче“.  Вели и дека за време на комеморацијата за Младенов некој требало да го праша новинарот Бранко Героски дали му се напумпани гумите, за да не смее да влезе во кола…

Во овој разговор слушаме уште една работа „шо ми го кажаа нашиве, шо не е за у јавност“ – односно следењето на движењето на Младенов според мобилниот телефон по базните станици имало околу половина час пауза кај базната станица на скопскиот аеродром… Потоа слушаме невидено ситење за тоа што последниот повик на мобилниот телефон на Младенов пред да излезе од дома бил од Героски, па се шегуваат со тоа на „новинариве шо се истражувачки ориентирани“ да им кажат кој бил последниот човек, па замислуваат и наслов „Што му порача Геро пред да го испрати во смрт“. Или, вели Јанкулоска, Геро го испрати во смрта, што е проследено со смеење, а на Котевски му е криво што таа порака не може да излезе во јавност, оти може да се обезбеди само со судска наредба.

 

ГРУЕВСКИ ЗНАЕЛ ЗА ДРУГАТА БОЈА

Инаку, и Груевски знаел за делчето со друга боја на автомобилот на Младенов. Заев презентираше и СМС порака од Јанкулоска од 3 април 2013 година до Груевски.

„Денес во 14 ќе дојде истражниот во МРВ да му го објаснат кримтехничкиот извештај. Има една незгодна работа, на колата има малку боја од друга кола. За беља на судијава ова му бил прв случај и нашиве луѓе викаат дека баш не се снаоѓа најдобро.“ му пишува Јанкулоска на Никола Груевски.

 

Сите „бомби“ се тука.

 

Прес конференција на Зоран Заев, претседател на СДСМ, во Скопје, 07.05.2015

 

 

После оваа прес-конференција, ВМРО-ДПМНЕ реагираше со соопштение за јавноста, кое може да го прочитате тука.

 

Разговор помеѓу Гордана Јанкулоска и Мартин Протугер

ГЈ: Не е лошо утре, да видиме истражниот да даде изјава, пошто реално мислам, ја ќе ти кажам шо ќе има, ама не е во ред ние да даваме изјава за нешто што не сме го работеле, условно речено, ние директно?
МП: Не, не вие не треба да давате изјава, никако…
ГЈ: Ние и заради тоа денес се дистанциравме, телото е…од што е умрен тоа, не знаеме, телото на обдукција е, кои се причините истражниот го води увидот. Мислам јас се координирав со моиве, зошто претпоставував дека таја меѓу два круга, ова она и Нино ми се јави, ми вика абе да не има нешто..абе нема ништо, излетал од кола…

 

Разговор помеѓу Гордана Јанкулоска и Мартин Протугер

ГЈ: Негово е возилото лично, значи он со истото возило отишол натаму, иначе мислам го терале, знаеш, последен човек со кого се видел е Стевче Јакимовски.
МП: Дa?
ГЈ: ха
МП: А кај се видел?
ГЈ: Па не прашав да бидам искрена.
МП: А шо бара он натаму по тој пат?
ГЈ: Па можда таму негде понастрана се гледале, не прашав, пошто нашиве знаеш правеле разговори, телефонот му го проверуваат, сите тие работи и само тоа ми кажаа, да знаете последен пат се видел со Стевче.
МП: А зошто толку време бил исчезнат, се водел како исчезнат?
ГЈ: Епа зошто, жена му синоќа се слушнала со него околу десет саат и он и рекол за толку и толку време си доаѓам дома, нели?
МП: мхм
ГЈ: …и оваа чека да си дојде дома. Не се јавил саат, два, три, пет и дури сабајле дури она побара беше од кај 8 саатот сабајле, вика абе не му се случило на него толку долго да не се јави, знаеш. Башка преку ноќ не се вратил дома, не е нешто да речеш се зафатил со работа. Вика му звонам, телефонот му е активен.
МП: Да не бил у кафана после нешо негде да не? Пошто си пивкаше он…
ГЈ: Епа она и самата…Јас со Павле зборев, пошо она ми вртела од сабајле, ама ја кај и го знам телефонот, у 7 сабајле, непознат број ти звони, и Павле ме доби. Абе знаеш вика женава е загрижена, да ти го дадам бројот да го лоцирате, кај е географски, вика оти знаеш да не џапнал баш, со овие зборови вика, да не дрмнал некоја вотка поише па нешто да му се случило, од кај да знам дека он вотка пие, он така? Мислам реално…Вика, има и, баш со овие зборови, он јака кола има, мерцедес да не згазнал поише отколку што треба, она за тоа се секира. И ја му викам на Павле нема проблем, ама дај женава…ние одма ќе укључиме, ама женава нека ни побара, пошто знаеш терсене се… утре ќе рече што сте ми го лоцирале телефонов?
МП: Да да да
ГЈ: Посебно таков човек ..И жена му за волја на вистината, одма дојде во полициска станица, пополни тоа све што треба и практично после тоа, немаше ни два саати ние кога го најдовме кај е.
МП: мхм
ГЈ: По сигналот на телефонот..
МП: мхм мхм
ГЈ: Еве ќе видам сабајле ќе ти кажам ако нешто, мислам ќе ти кажам да знаеш прво кои се причините, ќе прашаме у судска медицина, па да процениме дали…
МП: Тоа е важно, може да се открие алкохол у крв. Евентуално доколку постои
ГЈ: Да да да ако бил во алкохолизирана состојба ќе се открие на обдукцијата
МП: Ја ги гледам сега бе како као го величеа, као он да е, чекај бе чоекот е…
ГЈ: Да да сите го пљукаа
МП: Мислам Бог да го прости, беше корумпиран, беше све тој човек бе
ГЈ: Се што не треба да биде
МП: Рекетар, преварант, хоштаплер, лажов, што нема пишувано за нас, најгрдите лаги
ГЈ: Се шо не треба, да се шо не треба
МП: Шо сега ние овдека не треба да имаме двоен морал, имал ….океј Бог да го прости, нека му е лесна земја, шо нема да го плачеме сега.

 

Разговор помеѓу Влатко Мијалков и соговорник

ВМ: Повели
НН: Само ти јавувај….да знаеш
ВМ: Знам бе знам, знам, знам.
НН: Добро, сабајле Павле ми се јави уште у 9 саат, у п…у, го немаше нигде.
ВМ: Кој Павле?
НН: Стојанов.
ВМ: Па, жали ли за него, што?
НН: Не бе, жена му му се јавила, пријатели биле, ама ја барал министерката, не можел да ја најде, па ја пуштив луѓе да го лоцираме, знаеш како е, пошто никој не знаеше каде е, у 12 саат открија дека е, убиен.
ВМ: А, каде паднал он, у ендек?
НН: Кај, кај клучката Хиподром.
ВМ: Ама, многу брзо возел бе, ми кажаа мене.
НН: А, пред тоа у 10 и пол саат бил пред тоа синоќа со Стевчо Јакимовски, биле негде у град, кај биле.
ВМ: Мхм, мхм.
НН: По кажување на жена му.
ВМ: Мхм, мхм, мхм.
НН: Тоа ти е.
ВМ: А, што, не можеле да го најдат околу, никој не го видел дека се стумбал?
НН: Никој не го видел. Па жена му прашувала, ваму, таму, кај Павле, кај министерката наша, и после го лоциравме, и така.
ВМ: По телефонот го лоциравте?
НН: Да.
ВМ: Со телефонот, а?
НН: Да.
ВМ: Иначе не можеш да го најдеш, у п…у матер.
НН: Не можеш да го најдеш, у п…у матер.
ВМ: Да бе, мајку му е..м.
НН: Тоа е, Бог да го прости, шо да праиш.
ВМ: Бог да го прости, ама зол чоек беше.
НН: Знам, знам, знам.
ВМ: Е па сеа, шо да ти кажам.
НН: Знам, знам, знам.
ВМ: Што да ти кажам, не беше како што треба.
НН: Знам, знам.
ВМ: Не беше коректен чоек.
НН: Ептен знам.
ВМ: Тропаше глупости, лажеше.
НН: А и рекетар беше.
ВМ: И рекетар беше.
НН: Новинарски рекетар, тие се најопасни.
ВМ: Така. Значи, кај клучката, каде?
НН: Хиподром.
ВМ: Хиподром, а?
НН: На враќање од Петровец, не натаму, наваму, накај Скопје.
ВМ: Значи, он идел од Петровец, а?
НН: Да, од Петровец идел.
ВМ: По аутопут?
НН: Да, да, да.
ВМ: Како можел бе тука да се…?
НН: И мене не ми е јасно нешто. 30 метра летал, па на кров паднал нешто, не знам ни ја, не сум бил на лице место.
ВМ: А, он доаѓал од некаде? Од кај доаѓал, од?
НН: Од Петровец или од Велес, сега не знам од каде.
ВМ: Од Велес доаѓал и на клучката кај што се врти за Скопје?
НН: Да, лево, знаеш она полулево што е, знаеш, кај кружниот тек што е патот.
ВМ: Мхм.
НН: И тука летал 30 метра.
ВМ: Па може он доживеал и удар бе.
НН: Па, не знам, не знам, не знам.
ВМ: Знаеш, изгубил контрола и отишол.
НН: И бил психолошко-финансиски оптоварен.
ВМ: Да?
НН: Да. По кажување на Павле.
ВМ: Добро брат, да си жив и здрав.
НН: Е така. Ајде.

 

Разговор помеѓу Гордана Јанкулоска и Иво Котевски

ГЈ: Да
ИК: Е, само да докажам, мислам, утре ќе ми каже овој финално дал добил, дал не добил Добре, ама генерално праел муабет со Ушлинковски и Ушлинковски му рекол дека кај нив крим техничките вештачења значи се завршени.
ГЈ: Супер, сабајле нека ги пуштат.
ИК: Е, со тоа што, сеа не знам дал ќе стигне сабајле да ги искуца, за тоа треба само да ми јави овој од сообраќај. Ако го искуцаат од кај Ушлинковски, ќе ги пуштиме…
ГЈ: И да не се пуштени, ја ќе речам готови се, во текот на денов ќе ги пуштиме.
ИК: Да, да. Е, ама сега за тој вториот дел малку да дообјаснам. Значи, готови се крим техничките вештачења кај анс, тоа не е спорно, ама тешко е дека ние ќе ги пуштиме до истражниот судија затоа што нас ни бара, вика, нас нé задужува за истрагата и вика, ни бара комплетен предмет, а тоа подразбира, не само крим техничките вештачења, туку и фото албум, скици, дндр мндр…
ГЈ: Добро, ама…
ИК: Затоа што, нели, треба време за да се изработи, значи, утре многу тешко, да не лажеме затоа што ќе се јавуваат у Суд да проверат, ние ќе немаме у Суд, и прашање е дали до крај на неделава…
ГЈ: Не, ок е тоа дека крим техничките се готови и има и уште други материјали што треба да се комплетираат и готово.
ИК: Да, да. И штом ќе го докомплетираме предметот, ќе го изработиме, ќе му го доставиме, кога, ќе видиме, можно е до крај на неделата, можно е до нардната.
ГЈ: Кога, кога ќе бидеме готови, ха.
ИК: И поентата е што веројатно од нас ќе бара во склоп на предметот ние да го зимаме вештачењето што треба Машински факултет да го праи. Значи, тоа за техничка исправност, кочници, мочници.
ГЈ: Да де, да.
ИК: Истражниот вика, чекаме ние да ја даде наредбата за Машински…
ГЈ: Истражниот ако преживее да го доврши рпедметот, добро ќе биде, хаха.
ИК: И со Џили праевме муабет, ја му викам, а бе, нашиве не праат вештачење за кола. Ај тогаш да му кажам да пише една наредба према Машински, пошто мене ми се јавуваше Ушлинкоски што да праам со колава, нека си ја земат, нека си ја вештачат за кочници.
ГЈ: Хахаха, катастрофа.
ИК: И сега да идат нашиве утре да му бараат да потпише наредба за да се вештачи колава на Машински, а вика, од искуство наше, вика, ако се запнат, може да го завршат тоа вештачење за два до три дена, ама како и да е, еве, пет дена да е, ние додека не го добиеме тоа, во рамки на предметот може да…
ГЈ: Ама, ние ќе им го насскаме после таму да се јавуваат, шо ти е гајле, хаха.
ИК: Каде, у Машински?
ГЈ: Па у Машински, да.
ИК: Апсолутно, апсолутно.
ГЈ: Хахаха, шо ти е гајле.
ИК: Апсолутно.
ГЈ: Ако сакаат нека си ја земат на раце колата и шо сакаат нека праат, ти е гајле.
ИК: Сите мислат дека ние сé праиме.
ГЈ: Да, импресивно е.
ИК: Денеска два пати ми се јавуваше овој….а, у меѓувреме, на Савовски му се јавуваше, Савовски мене уствари ме бараа од доле, од кај Ристе, дојдете, те бара овој да се чуете, многу ги напаѓат у Суд, хаха.
ГЈ: Хаха.
ИК: Каква врска имам ја сеа, хаха, шо ја да праам, хаха. Не бил проблем у судијата, е па сеа, Боже мој. А, нас па кога нé праат парче, кому плачам јас, шо да праам.
ГЈ: Они мислат дека така треба. Ај не можам да зборам сега овдека.
ИК: Ај
ГЈ: Ај.

 

Разговор помеѓу Гордана Јанкуловска и Иво Котевски

ИК: Ало.
ГЈ: Ало.
ИК: Да.
ГЈ: Што правиш бе Иво?
ИК: Еве се враќаме у кола. До сега гњавеа.
ГЈ: А што те гњавеа.
ИК: Да им дообјаснувам. Не, не. За овакво, што требало до крај, како требало.
ГЈ: Ја не знам, ти да си појдеш, да си бидеш истражен судија најарно ти е.
ИК: Ама не…
ГЈ: На кого треба ќе си даваш наредби,
ИК: Стварно…тој…мислам, не го биѓава. Не е тоа за во јавност, ама не го биѓава.
ГЈ: Леле, ама денес, мислам, попладне ќе го збудалат. После…
ИК: Не да ќе го збудалат. Ха, ха.
ГЈ: После ваква изјава мислам дека ќе го најдат обесен утре. Ха, ха, ха.
ИК: Ама кој ќе го слуша тек сега, колку ќе плаче овој Џилвиџиев, што е претседателот на суд.
ГЈ: Па ти што му дигаш на него?
ИК: А бе му дигав вчера пошто му го немав меморирано. Сега му го имам меморирано телефонот, ама и да не му дигам он се јавува кај Савовски, Савовски му се јавува мене. Ха, ха.
ГЈ: Леле, леле.
ИК: Затоа што нив ги фаќа непотребно паника. Мада, добро, што е за право и они се под притисок. Ама не, дека треба-треба да се договори. Мислам, со —-правевме муабет, УБК, и они можат да помогнат, само поентата е што нели, нашиве се, како да кажам…недоволно координирани. Што сега…
ГЈ: Абе добро, ама…
ИК: …си имаат и они, овакво. Ако треба нека го викнат бе и УБК да му кажат што има, како има на истражниот, сега…
ГЈ: Па не, можат после кога ќе…
ИК: Не можеш да го третираш како овакво…
ГЈ: Како што го третираат. Ха, ха.
ИК: Да бе да. Ха, ха, ха.
ГЈ: Мислам, мене жал ми е за човекот.
ИК: А бе, башка тазе е од општинските.
ГЈ: Мислам, греота е. Ќе се изремети човекот до крај на кариера ќе бара прекршоци да работи.
ИК: Ха, ха, ха. Скроз…
ГЈ: Ха,ха. Нека појдат и од УБК на состаноци, нека му кажат што имаат да му кажат. Греота е.
ИК: Ај, ќе видам јас ако не, ќе се чујам со Горан, да видам што е-како е.
ГЈ: Ха, ха, ха. Ќе го изгубиме човекот.
ИК: Ама не, затоа што УБК си ги знаеме како УБК. Они ни со овие од „сообраќај“ не комуницираат.
Значи нив им е…
ГЈ: А они всушност затоа ти се јавив. А скицата напрвена е?
ИК: Колку што јас знам уште не е. Ама тоа треба да се црта допрва. Значи тоа им го објаснував дека нели „крим“…
ГЈ: Добро, ама можат да ја нацртаат за еден ден, не е нешто.
ИК: Па сега обично им требаат неколку дена, мада ирелевантно е дали денес ќе ја цртаат или утре или задутре…
ГЈ: Да де да.
ИК:…кога пред да му го пуштат извештајот во пишана форма треба да ги комплетираат сите материјали…
ГЈ: Да де да.
ИК:…вклучувајќи го и тоа, вештачењето за техничка исправност.
ГЈ: Ама тоа не зависи од нас. Овој уште не знае на кого да даде наредба за тоа.
ИК: Ха, ха. А бе он сакал у Битола да си даде.
ГЈ: А бе, кажете му таму…(кај си бе Нино)
ИК: Мислам тоа ќе…
ГЈ: Кажете му нека им даде на Машински факултет или на Бирото за судски вештачења…
ИК: Му кажав јас веќе…
ГЈ: Нека не заебава сега, кај до Битола ќе ја носи колата!?
ИК: Му кажав веќе на —-, ама ај ќе го барам јас и Џилвиџиев за да му кажам…
ГЈ: Кажи му таму…
ИК: Он нека си укаже, да не се заебава таму
ГЈ: Да, да, да.
ИК: Да не губиме многу време…
ГЈ: Да не биде ние му бираме кој да прави…
ИК: Со тоа што, знаејќи го како е изгубен, треба и…
ГЈ: Добро, друго што те прашуваа?
ИК: Не, не, ништо.
ГЈ: Само за ова?
ИК: Да, за тоа ме прашуваа. Овие овде шпиуниве…
ГЈ: Ги гледам све запишуваат…
ИК: За…кога ќе сме имале соопштение. Викам у тек на денов, кога ќе ставиме…
ГЈ: А за што соопштение?
ИК: За пресот што зборела министерката.
ГЈ: Е да бе, за све ќе пишуваме ние.
ИК:….Нема врска, ќе ставиме секако.
ГЈ: Ај сега чао, почнувам со еден состанок у Влада.
ИК: Ајде.
ГЈ: Ќе се чуеме.
ИК: Важи.

 

Разговор помеѓу Гордана Јанкуловска и Мартин Протуѓер

ГЈ: Да.
МП: Што правиш Горде?
ГЈ: Ало? Еве се спремам да искачам. Ти што правиш?
МП: Слушај, а бе Жоро ми пиша порака сега, малце чудна.
ГЈ: И што вика?
МП: Дека имал докази.
ГЈ: За што? Ало?
МП: Ало?
ГЈ: Еј, кажи, кажи. Ало?
МП: Дека имал докази за Младенов. Биле на местото на…
ГЈ: Ама не ја водиме ние за Младнов истрагата, истражен судија ја води. Но, не не проблем, ќе му направам контакт со истражниот, ако сака.
МП: Најдобро е така.
ГЈ: Чиста работа, така?
МП: Да.
ГЈ: Место по весници, или со обвинителот, да видам кој бил тогаш дежурен обвинител. Иначе истражен, дежурен мислам беше тогаш Туфегчиќ тогаш. Не е проблем. Све што има, таму кај што треба. Бива таа работа?
МП: Да, да, да.
ГЈ: Ја можам утре од сабајле да видам со Марко кој излегол на увид обвинител. И да му се понуди: сакаш ли ти бе брат да збориш со тој што е главен за таа работа? Така е најчисто, наместо да пишуваат по весници.
МП: Да, да, да.
ГЈ: А што му се доказите? Дека овој се начукал, а? Ха, ха.
МП: Не знам што му се. Кои што ќе помогнат, ќе ги спречат сите шпекулации и ќе докажат кај бил он.
ГЈ: Добро бе. Најпрофесионално, најкоретно да му закажеме со дежурниот обвинител, може и со Марко директно, ако сакаш, ако сакаш да го истретираме.
МП: Не, нејќам да го истретираме Жоро…
ГЈ: Од кај знам…
МП: А и се изнервирав, многу глупи флаери ми пратија за Центар.
ГЈ: Ха, ха, ха. Не се секирај…
МП: Леле какви кретени се, у п..у матер
ГЈ: Море гледај Куманово ти сега, само Центар го гледате да му се сневиди. Гледај таму Куманово да победиме. Ајде.
МП: Ајде.
ГЈ: А за ова немај гајле, ќе искомуницираме, ќе го средиме нема проблем. Ајде.
МП: Ајде, чао, чао.

 

Разговор помеѓу Гордана Јанкулоска и Иво Котевски

ИК: Ало…
ГЈ: Ало, е Иво, кажи сеа за сообраќајката
ИК: Абе сообраќајката е еве до сега ме окапуваше ова експертов Жанета Мин. Нема врска она за друго ама нели сега сите се наоѓаат експерти за сообраќајни несреќи и тапанење за утре Томче најавил ќе видиме што ќе објави овој идиотов шо ни напраи проблем…
ГЈ: Аха…
ИК: Со ова Нова Македонија као најавил дека по некојси фискални он бил у Велес, драпај си меот…
ГЈ: Што е тоа релевантно дали е битно…
ИК: Ама уопште не е… значи тоа ми е муабетот , не поентата е што нели ако прашувате ќе видам ќе проверам уште еднаш сабајле не верувам дека денеска завршиле се од…мада ќе видам ја уше еднашка, за анс е најважно да го поднесеме извештајот, ако прашуваат…
ГЈ: Да де да…
ИК: Околу увидот чисто да спомнам пошто денеска овој Џилвиџиев се јавуваше два пати, се обидував да го смирам, они се многу љути на написов у Нова Македонија, дека стварно го изремети истражниот судија, па си заминал, па наводно наши коментирале дека вака било онака било, нели од полицајциве, па да сме дематирале ние, му викам абе што да демантираме…
Ние не сме дале изјава па да демантираме
Изјава да…анонимна или пак ако е против вас тужете го па нека си ги бара он полицајците после…
ГЈ: Да, да, да…нека му сведочат
ИК: Да де да, нека му сведочат ако некој потврди дека зборел против истражен судија ние го бркаме уште утре од работа…
ГЈ: Да бе да…
ИК: Толку е тој муабет…
ГЈ: Крај на приказната…
ИК: Они ќе си реагирале до судски совет викам реагирајте си што можеме тука ние….
ГЈ: Да, де, да…
ИК: …дека е во право никад до сега вака не бил нападна истражен судија, не бил нападнат сеа… башка овој на почеток на кариера некој многу од овие тазе примени… што да му прајш…
ГЈ: Преку општински…
ИК: хахаха…епа сеа да не кажуем ама тоа е сеа… не, сеа како и да е, дека напраил утки напраил утки ама дека не е тоа за да го кажуеш за у јавност не е… ние треба да го…
ГЈ: Да да…
ИК: На крај на краиштата го покриваме со милион работи… најважно е ќе прашам ја утре баш пред настан ќе се договориме дали веќе ни е готов ако ни е готов да кажеме готов е и испратен е…
ГЈ: Да де да…
ИК: Што има не можеме да коментираме додека не си го прими он…
ГЈ: Ќе ви каже истражниот шо има…
ИК: Да после ќе ве информира истражниот инаку чисто заради нас има таму некаква боја кај задњата врата јас спомнав тоа и вчера… Ушлинковски денеска ми кажува вика не знаеме ниту може да кажеме колку е стара, многу е мал ударот значи ако е вопшто и удар… се цивнале ама прашање е дали е од тогаш или е од претходно е сеа тоа може да напраи миљон забуни после тоа не дај боже информација да излезе си ебавме мајката иди после докажувај се ти…
ГЈ: Не ние нема шо да коментираме содржината, за нас е битно дали сме завршиле или не сме завршиле со вештачењето… толку е од нас
ИК: Тоа е… ако, ако, ако прашуваат да исто за на лице место, како одел, што одел, во увидот дека ние сме постапувале и сме работеле…
ГЈ: По наредба шо…
ИК: Крајно професионално како за секоја друга сообраќајка, по наредба на истражен судија и може да се каже исто тоа сообраќај шо ми го кажа овој Добре како се вика, началнико шо е на увидна, дека и целиот увид е снимен, значи снимен е како се изведува увидот, така да не можеш тука да имаш зафрканции.. зошто не е се подигнато ако запињаат со такви детаљи дека се е превземено во врска со истрагата и пак истото да им се повторува…
ГЈ: Да де да…
ИК: Ќе бидат доставени до истражниот судија она што е најважно во моментот е да се утврди нели како дошло до несреќата…
ГЈ: Ама ние…
ИК:… пред, предмети од Нова Македонија наоѓале таму, да но ти предмети се фотографирани и нели истите се дел од материјалот којшто е обезбеден, ако прашаат за дали, нели денеска и за тоа гњавеа, дали ви ги доставија овие… ГЈ: Па нема што нас да ни ги доставуваат
ИК:…ни ги доставиле, значи…
ГЈ: Па треба да ги препратиме, нема зошо кај нас да ги доставуваат…
ИК: Ги доставуваат значи, ги доставуваат до кај нас не е битно, ние после со извештајот ама ако прашаат дали ви доставиле, да ги доставија и тие одат во прилог на тоа што веќе го знаевме… значи ние го имаме утврдено целата траекторија на движење ја имаме утврдено и тоа за нас не е енигма, пошто сега од друга страна, абе нашиве се сите ко рогови у вреќа, УБК им тера инает на овие, колку шо ми кажаа нашиве имаат од УБК, поо…цела траекторија му ја имаат траса на движење по локација на базни станици на мобилниот телефон…
ГЈ: Да де да…
ИК Тебе не ти значи ништо ова од патаринава…
ГЈ Да де да…
ИК: Коа знаеш како се движел
ГЈ: Добро ама таа не е информација за у јавност…
ИК: Не не, не е информација за у јавност и нема да ја кажуваме ама може да кажеме дека овие белешкиве што ги доставиле од Нова Македонија, одат само во прилог на она што ние веќе го имаме утврдено …. а ние знаевме кога и каде поминал….
ГЈ: Според мене нема што ние да кажуваме кога и каде поминал , дали сме знаеле, тоа треба да си го знае истражниот судија…ние што ни побарал истражниот тоа сме направиле…
ИК: Не бе добро ама…
ГЈ: Не водиме ние истрага за случајот… ние сме во служба на истражниот…
ИК: Ја кажуем само мене шо ме прашуваа и шо може утре да прашуваат…
ГЈ: Ама јас за тоа и го коемнтирам нема што ние да коментираме, нешо шо не е наша работа….
ИК: Добро…
ГЈ: Што има ние да коментираме дали истражниот ја знаел патеката на движење
ИК: Не, не ама истражниот…
ГЈ: Негова работа е…
ИК: Истражниот во оваа фаза не знае ама баш ич ништо…значи
ГЈ: Нема што ние на јавноста да презентираме… таму кај шо сме добиле наредба таму ќе презентираме…
ИК: Не, не океј е тоа се… се согласувам, но во оваа фаза истражниот не знае ама баш ич ништо… значи ни има дадено нас наредба и ние мора да постапуваме по таа наредба…
ГЈ: Да ама не мора да ги известуваме новинарите дали сме знаеле или не сме знаеле кај возел, не е работа на јавноста тоа…
ИК: Така де така ама ја кажуем…
ГЈ: Односно не е наша работа да ја информираме јавноста
ИК: Делумно…
ГЈ: Све што сме дознале, таму кај шо треба ќе кажеме… истражниот ако процени дека нешто треба да знае јавноста ќе ја извести…
ИК: Не бе добро океј ама пак да кажам ќе прашуваат ради овакво, тие дали ни ги дале….пошто и јас исто и се согласувам нели со тоа. Второ што да речеме дека тераш ти строго правно дури и да има кривична постапка ова што го донел Томче од Нова Македонија не ти никаков доказ…
ГЈ: Да де да…
ИК: Од кај да знам јас…
ГЈ:…дека се неговите сметки…
ИК:…што е фрлено од некоја кола и што летнало таму…
ГЈ: Да бе да…
ИК: …дека се баш неговите, не ти стои таму регистрација и овакво…
ГЈ: Да бе да… никаква идентификација…
ИК: Формално правно тоа и не ти е никаков доказ ко за беља чисто и тоа да спомнам не работат камериве на ниедна од патариниве натака…хахаха
ГЈ: Добро ама тие не се наши камери така да шо…
ИК: Не не не се наши, не се наши оваа исто напињаше…
ГЈ: Нема што да му се секирам за тоа…хаха
ИК: Оваа исто напињаше дебилов Секуловска дали работеле камерите у Ѓорче не и одговорив ништо… а утре може да прашаат тоа не е искључено…
ГЈ: У Ѓорче?
ИК: Пардон у Синѓелич, на влез во Скопје…
ГЈ: Па и тоа не е нејзина работа…
ИК: хахаха абе добро…
ГЈ: И не е податок што е…информација од јавен карактер… зошо на неа би и одговрале дали работат камерите
ИК: Затоа шо до сеа ја памтам најмалку 5 или 10 пати дека сум давал изјави дека функционира…
ГЈ: Ама добро ние викаме функционира ама не кажуваме која камера работи која не работи…
ИК: Абе добро ама сеа…
Системот функционира…700 камери
Ама ако тоа системот дали работи или не работи не е класифициран податок зошто тогаш би бил класифициран податок дали таа камера работи или не работи….
ГЈ: А зошто па ние за неа да праиме посебно вештачење дали работи или не работи… нема шо да и одговараме
ИК: Не, не, не… сеа…не ми е мене да се карам ама…
ГЈ: Нека се нервира комуњарка бе…
ИК: Абе добро сеа…хахаха
ГЈ: Ти како им се притресуваш на комуњариве…
ИК: Нее, далеку од тоа не им се притресувам затоа задња порука и беше нема ништо да објавувам денеска, не објавувај твој проблем баш ми е гајле…
ГЈ: Шо сакаш праи…
ИК: Да бе да, јас сеа да не треба да те молам тебе да објавиш или да не објавиш, твое си е, од тебе фајде нема…
ГЈ: Што сакаш праи бе… кај ќе објави, на фејсбук ќе пишува
ИК: Така бе така, нее… мислам нивни проблем, ја кажуем чисто за утре да се знае кои прашања се во оптек и со што све гњават деновиве…
ГЈ: Доброо… по мене најчисто е нема шо на нив сметка да им полагаме, посебно не у изјава…
ИК: Како да кажам… утре ќе праша
ГЈ: Па добро бе ќе добијат одговор дека друг ја води истрагата…не ние
ИК: Не бе добро мое е да ги кажам сите овие работи, сеа…
ГЈ: Се согласувам…но исто…
ИК: По мене ќе беше искрено и најбоље сега ако више праиме муабет сега ова утре искрсна така веројатно сте се договарале со Сокол ама најбоље ќе беше првото појавување откако ќе го доставиме…
ГЈ: Еее сеа јас ќе си го уредувам животот по извештајот за Никола Младенов…
ИК: хахаха.. Не бе добро не да го уредуваш…
ГЈ: Има работи што се 100 пати побитни од него…
ИК: Не бе добро ја не…
ГЈ: Ајде стечај да прогласиме додека не заврши вештачењето, глупост
ИК: Не бе денеска ја ако го опишам целиот муабет со Секуловска тоа е смејурија, на луѓе шо им го кажувам пошо нели ја договарав тоа шо праевме муабет за у петок евентуално прес нели околу ова генерално сообраќајов со Никола од Републички совет и баш му го кажуев муабетот пошто не можев да му кренам, еднаш го барав па он уште 6 пати после тоа менеи оваа ме гњавеше тогаш у меѓувреме, не ми се веруеше муабетот со нејзе идеше дека…нели сеа викам ова она објаснуваш се што моеш да објасниш пошто она ништо не разбира у принцип и никад не водела МВР…
ГЈ: Да бе да…
ИК: Не моеш да и замериш за тоа стварно е многу боса…
ГЈ: Па добро таа и други работи не разбира…
ИК: Не разбира ама за ова па е ептен боса, ептен

 

Разговор помеѓу Гордана Јанкулоска и Иво Котески

ИК: Ма не не, луди се комуњариве се, скроз се…
ГЈ: На ранг на претседател на држава…не, не…
ИК: На ранг на претседател на држава, хахаха….
ГЈ:…не ме донервирувај дополнително
ИК: Не, не абе ти пази до каде е таа забеганост,…
ГЈ: Да бе да…
ИК: Мислам океј загинал, бил новинар еве да речеме Жанета оваа од…
ГЈ:…добро чоек ко чоек, загинал
ИК: Жанета од МИН има многу поокеј став, не го става над овие три деца, нејзе и е зашто стварно ете да речеме она работела некое време у Фокус, океј бил као колега, комуницирал, ајде придонел за независни медиуми се тоа не можеш да му го оспориш ама да го праиш претседател на држава дека бил на ранг…кој бе претседател мислам кој му дал мандат на него…
ГЈ: оф мори мајко какви будали има…
ИК: Ненормални еј… не тоа е, скроз се слудени затоа ти кажувам, тоа фејсбуци, твитери све е тоа…
ГЈ: Абе ајде комуњари проклети…
ИК: Не мене ми е најболја, Трендо го ангажирав, го рчкавме прво Теменугов еден другар шо работи у Алсат
ГЈ: Го знам де Теменугов…
ИК: Е Трендо му рекол да му праќа поруки, да му вика Теменугов кој е следниот…хахаха
ГЈ: А и он е…
ИК: Не. Не е комуњар, не е комуњар мислам онака…
ГЈ: Не мислам дали е забеган вака…
ИК: Не не не е забеган, со него знаеме дека можеме да се смееме, затоа му вика Теменугов прибери си се ти, остај го тој Бранко…
ГЈ: хахаха…
ИК: Нема врска он не е ни СДСМ…ама со онакви поруки, Јани Макрадули нема утре децата да ти ги чува, виде ли шо се случи во Николче хахаха…онака… а иначе беше заебанцијата за на…за тогаш коа се деси за на коа му праеа комеморација, некој да иде само да го праша Геро, абе Геро гумине напумпани ти се? Хахахах…
ГЈ:хахахаха…
ИК: И демек Геро да не знае да влезе у кола од параноја…пошо е таков…
ГЈ: Ама многу се, многу се нокаутирани, сега и у Струмица нема втор круг, него се прегласува мислам…
ИК: Не мене… пошо се прегласува не се знае дај боже да има втор круг
ГЈ: Тоа ти викам, не да речеш, друго е коа има втор круг
ИК: Може…градоначалник
ГЈ: Мобилизираш луѓе знаеш… кампања водиш…
ИК: А како треба да излезе сеа таму за да има…
ГЈ: Треба помала излезеност, за да нема, за да нема 51 процент
ИК: Ама чекај… не он треба да има 51 процент од излезените
ГЈ: Да
ИК: А излезените се сосем солиден процент, поентата е шо…
ГЈ: Финтата е да не излезат, нашите да излезат…
ИК: Да неговите не треба да излезат…кај неговите тоа е, или да не излезат за да му падне на него процентот шо го има на другиве места…сеа не знам на тие места он колку освојува
ГЈ: Не знам како е математички ама ги… у оваа ситуација
ИК: Ако ако тоа е…
ГЈ: А он на кој ранг е?
ИК: Па овој ако е претседател тој е ваљда на Европски парламент или на ЕУ хахахаха…Заев на ЕУ..овој штом е претседател на Македонија
ГЈ: Кои будали се…
ИК: Или премиер да не е…
ГЈ: Кои будали се…
ИК: И тоа е интересно шо ми го кажаа нашиве шо не е за у јавност, кошто кружел има една луфта таму од пола саат… и задња базна станица шосе јавува сеа нели тоа не мора ништо да значи е Аеродром Александар Велики… пошто има луфта измеѓу патариниве можно е он да свртел да носел некого на аеродром, па може пречекувал нешто или таму…
ГЈ: Ама ако пречекувал кај му е чоекот… хахаха
ИК: Не не да му даде нешто па овој да си заминал со кола…
ГЈ: Да да…
ИК: Или нешо у тој стил да било ама… тоа е.. никој не може да знае…чудно е малку што нашиве викаат тој телефонот што го проверуеле што патем нели и за тоа може да прашуваат го најдовте ли телефонот, нас телефонот не ни е најден…
: Апаратот?
: Да апаратот..
ГЈ: Ама не ти треба апаратот…
ИК: Па тоа се расправавме со Секуловска, како тоа не ви треба бе, абе ало ако има нели потреба си се вади листинг…извадивте ли листинг абе ако даде истражен наредба ќе извадиме, има ли наредба? Прашај го истражниот ама многу морон
ИК: А задњи шо му ѕвонел тоа е малку чудно што нашиве викаат дека 3-4 саата он нема примено повик.. шо е малку нели сеа… ич да не е…
ГЈ: Да де некој ќе ти сврти, пациент нека е…
ИК: Така де така, милион луѓе новинари ваму таму… али добро е што е задниот повик од Геро хахаха…
ГЈ: Ауууу…
ИК: И не му кренал и после Геро му пишал порука со тоа што овој не му одговорил, баш пред да трга од дома…
ГЈ: Интересно…
ИК: Така да можеме…мислам сеа треба да се договориме нели после откако ќе заврши се евентуално
ГЈ: Нека се расчисти па ќе праиме …. хахах
ИК: И евентуално на некои од овие новинариве шо се истражувачки ориентирани да им кажеме последен човек со којшто комуницирал и не му одговорил на пораката…
ГЈ: Што му кажа Геро во пораката?
ИК: Го… и некој таков наслов, што му порача Геро пред да го испрати во смрт…
ГЈ: Или Геро го испрати во смрт
ИК: Ххахаха, да де да…. а стварно така е последна порака е од него само што глупо нашиве го не праеа сеа тоа, баш како што објаснив сеа на оваа само со судска наредна може да се обезбеди…
ГЈ: Да бе да…

 

 


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија (BTD – The Balkan Trust for Democracy), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, NED или BTD.

Напишете коментар

Вашата адреса за е-пошта нема да биде објавена. Задолжителните полиња се означени со *