Се гради водоводната мрежа во село Никиштани – Општина Ѓорче Петров
Завршување на водоводот за да се обезбеди вода за пиење до секоја куќа, со крак во долниот дел на селото.
[Извор: Изборна програма на Александар Наумоски за локалните избори 2017 година „Живот во Ѓорче Петров за сите“ стр. 38, датум: октомври 2017]
ОБРАЗЛОЖЕНИЕ:
Завршување на водоводот во с. Никиштани со цел да се обезбеди вода за пиење до секоја куќа во селото, вети за локалните избори (15.10.2017 г.) градоначалникот на Општина Ѓорче Петров, Александар Наумоски. Споменатото ветување на Наумоски е дел од неговата изборна програма: „Живот во Ѓорче Петров за сите“ (стр. 38) и реализацијата на овој проект е во тек.
Активностите за доизградба на водоводот почнаа кон крајот на минатата година (ноември 2018). Станува збор за изградба на вториот прстен од дистрибутивната примарна и секундарна мрежа во должина од 2.200 метри. Вредноста на проектот е 9 милиони денари и тој е во реализација на Општина Ѓорче Петров, со поддршка од Министерството за животна средина и просторно планирање.
Во изминатиот период дел од медиумите информира за текот на изградбата на водоводот во Никиштани. Порталот „Скопје инфо.мк“ на 29.03.2019 година информираше дека градоначалникот Александар Наумоски и неговиот тим направиле увид во градежните работи и утврдената динамика во поставувањето на водоводната мрежа. Во текстот е пренесена и изјава на Наумоски во која тој најавува дека проектот ќе се заврши до крајот на годината.
Информација и фотографии за изградбата на водоводот во Никиштани се објавени и на веб-страницата на Општина Ѓорче Петров.
ИЗВОРИ:
- Изборна програма на Александар Наумоски за локалните избори 2017 година: „Живот во Ѓорче Петров за сите“ (стр.38) [Пристапено на 08.05.2019]
- Веб-страница на Општина Ѓорче Петров (29.03.2019): До крајот на годинава целосно ќе биде завршена водоводната мрежа во село Никиштани [Пристапено на 08.05.2019]
- Веб-страница на Општина Ѓорче Петров (21.02.2019): Со полна пареа продолжува изведбата на вториот прстен на водоводната мрежа во с.Никиштани [Пристапено на 08.05.2019]
- Скопје инфо.мк (29.03.2019): До крајот на годинава целосно ќе биде завршена водоводната мрежа во село Никиштани [Пристапено на 08.05.2019]
- Скопје инфо.мк (21.02.2019): Во тек се градежните работи за изведба на водоводната мрежа во село Никиштани [Пристапено на 08.05.2019]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар