Таравари се премисли и се кандидираше за градоначалник на Гостивар

vmro-dpmne-logo

Таравари вели дека одлуката да се натпреварува за градоначалничката функција во Гостивар била лична. „Јас сум еден од неколкуте клучни луѓе во партијата, и не можам да го избегнам ова, седнавме, разговаравме, никој не ме натера на ова. Ги демантирам сите вести, читам дека ќе изиграм некого, ќе ме стават во машина, напротив, одлуката беше лично моја, да се натпреваруваме и да зајакнеме како партија…

 

Оцени: Ана Анастасовска

 

Министерот за здравство Арбен Таравари, на 18.08.2017 година, одржа прес-конференција во врска со употребата на сините картони во здравството. На прес-конференцијата му беше поставено прашање, дали ќе влезе во трката за градоначалник на Гостивар, на кое тој кратко одговори:

Нема да се кандидирам за градоначалник.

[Извор: Њузрум, датум: 19.08.2017]

 

ОБРАЗЛОЖЕНИЕ:

Оваа изјава на министерот за здравство Арбен Таравари, дадена во средината на август 2017 година, ја сметаме за недоследна, бидејќи две недели подоцна –  на почетокот на септември, Таравари го смени ставот и влезе во градоначалничката трка за Гостивар.

Името на министерот за здравство Арбен Таравари, во политичките кругови се спомнуваше како кандидат за градоначалник на Гостивар од редовите на Движење за реформи-ДПА. Оттаму и интересот на новинарите да му го постават прашањето дали ќе ја напушти извршната власт и ќе влезе во трката за прв човек на Гостивар.

Иако Таравари на 18.08.2017 година ги негираше ваквите гласини, сепак тие се покажаа како точни.

На 03.09.2017 година, медиумите јавија дека Таравари потврди дека на изборите ќе се трка за градоначалничката фотелја во Гостивар.

Најверојатно, ќе се кандидирам за градоначалник на Гостивар, како кандидат на Алијансата. До почнување на предизборната кампања, останувам во Министерството за здравство. За време на кампањата ќе земам две недели одмор, меѓутоа ќе одам во Министерството за да завршам неопходни работи – изјави Таравари, пренесе Мета.

На 08.09.2017 година, Таравари во интервју за Цивилмедија, на прашањето, зошто решил да се кандидира за градоначалник на Гостивар, тој одговара:

Јас, како Арбен Таравари, никогаш не сум се кандидирал во Гостивар. Сакам да видам колкава е мојата вредност, да видам колку ме вреднуваат моите сограѓани… И, ова е моментот да се вратам во мојата база, да ја добијам пресудата од народот, да формирам таму една екипа. Знам дека јас, како градоначалник на општина, не сум многу соодветен, но мислам дека екипите се тие што даваат резултати.

На прашањето, дали одлуката е лично негова, Таравари вели:

Јас сум еден од неколкуте клучни луѓе во партијата, и не можам да го избегнам ова, седнавме, разговаравме, никој не ме натера на ова. Ги демантирам сите вести, читам дека ќе изиграм некого, ќе ме стават во машина, напротив, одлуката беше лично моја, да се натпреваруваме и да зајакнеме како партија… Ако ние како партија не сме силни, ако ја немаме довербата на народот, тогаш нашата вредност во Владата е ирелевантна.

Имајќи го предвид ова, може да се заклучи дека изјавата на Таравари дека нема да се кандидира за градоначалник на Гостивар, е недоследна.

 

ИЗВОРИ:

 

 


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.

Напишете коментар

Вашата адреса за е-пошта нема да биде објавена. Задолжителните полиња се означени со *