Трајко Вељаноски
Трајко Вељаноски, долгогодишен претседател на Собранието на Република Македонија.
ПРИВАТЕН ЖИВОТ
Трајко Вељаноски е роден на 2 ноември 1962 година во Скопје. Оженет е е татко на две деца.
ОБРАЗОВАНИЕ
На Универзитетот „Св. Кирил и Методиј” ги завршува студиите по правни науки
КАРИЕРА
Во 1988 година го полага адвокатскиот испит и истата година отвора самостојна адвокатска канцеларија. Како адвокат работи до почетокот на 1999 година.
ПОЛИТИЧКА КАРИЕРА
Своето политичко ангажирање Трајко Вељаноски го започнува во 1993 година со вклучувањето во ВМРО- ДПМНЕ. Партискиот ангажман му е тесно поврзан со правото и легислативата. Така, повеќе години ја води Комисијата за правни работи на ВМРО-ДПМНЕ, член е на Комисијата за политички систем, а исто така го води и Форумот за правни и политички прашања и судски систем на ВМРО-ДПМНЕ.
Во 1999 година е избран за потсекретар во Министерството за правда на Владата на Република Македонија, каде што набргу станува и заменик – министер. Во овој период е и член на Комисијата за претставки и предлози на претседателот на Република Македонија, а исто така е член и на Управниот одбор на Центарот за европски интеграции.
На парламентарните избори во 2006 година Трајко Вељаноски е избран за пратеник во Собранието на Република Македонија и во тој мандатен период до април 2008 година е претседател на собраниската Комисија за прашања на изборите и именувањата.
На изборите во јуни 2008 година повторно е избран за пратеник, а на конститутивната седница на новиот собраниски состав е избран за претседател на Собранието на Република Македонија.
На изборите во јуни 2011 е избран за пратеник по трет пат, а на конститутивната седница на новиот собраниски состав е реизбран за претседател на Собранието на Република Македонија.
На изборите во април 2014 е избран за пратеник по четврти пат, а на конститутивната седница на осмиот собраниски состав е реизбран, односно по трет пат е избран за претседател на Собранието на Република Македонија.
Прислушуваните разговори
Во прислушкуваните разговори Вељаноски е неколку пати инволвиран, како и блиски членови од неговото семејство, со индикации дека и тој ја злоупотребил функцијата.
СЈО нема покренато обвинение против Вељаноски.
Со „Актот за Општа Аболиција“ од страна на претседателот Ѓорге Иванов на 12. 04. 2016 година, Вељаноски е аболиран за едно кривично дело. Трајко Вељаноски не ја прифати одлуката со која и тој е аболициран од страна на Иванов, велејќи дека ниту побарал аболиција, ниту пак има основа да потпадне под таа мерка, но напомена и дека секој човек и секој политичар треба да сноси одговорност за своите постапки и одлуки.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар