Твоето предизборно ветување звучи познато: Не е изградено основно училиште во Визбегово

Во петтата емисија наградното прашање за неизграденото училиште во Визбегово. Фото: Принтскрин

Во петтата радиоемисија загатката беше предизборното ветување за изградба на ново основно училиште во Визбегово, во кое би учеле околу 50 деца од населените места с.Визбегово и Шуто Оризари. Тоа е ветување што пред локалните избори во 2013 година го даде градоначалникот на Бутел, Петре Латиновски.

 

Радиото „Индекс“ во соработка со „Вистиномер“ почна радиоемисија „Твоето предизборно ветување звучи познато“.

Секој работен ден од 14:30 часот, слушателите може да погодуваат кој политичар или партија дал одредено ветување и дали е тоа исполнето. За точните одговори следува награда од радиото.

Заинтересираните може да се пријавуваат на електронската адреса tvoetovetuvanjezvucipoznato@radioindex.mk  и треба да испратат име и презиме и телефонски број на кој луѓето од радиото може да ги повикаат и да ги вклучат во емисијата. Пријавувањето е можно и на телефонскиот број 075/755-588.

Во петтата радиоемисија загатката беше предизборното ветување за изградба на ново основно училиште во Визбегово, во кое би учеле околу 50 деца од населените места с.Визбегово и Шуто Оризари. Тоа го кажа градоначалникот на Бутел,  Петре Латиновски во Изборната програма (2013-2017)  „Нови дела за нов напредок, нови дела за подобра Општина Бутел“  (Образование и наука стр. 19), со која ја бараше довербата на граѓаните на Бутел за градоначалнички мандат, како кандидат на ВМРО-ДПМНЕ. Ветувањето е оценето како неисполнето.

Петтата емисија може да ја проследите тука.


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.