ВМРО-ДПМНЕ: Регионален пат Македонски брод – Скопје
Со изградба на делница од Коломот до мост во село Близанско во должина од 8,4 км и ширина на коловоз од 6 метри, овој регионален пат ќе се обезбеди квалитетна и континуирана патна врска на Поречието со главниот град Скопје. Вредноста на проектот е 8,2 милиони евра, а средствата се обезбедени од Буџетот на Република Македонија. [Рок: октомври 2011 година]
Образложение:
Иако овој патен правец е завршен се уште не е пуштен во употреба. Поради тоа на 17 декември 2011 година, Поречани протестираа
Патниот правец Македонски брод – Скопје, не е пуштен во употреба во рокот кој е поставен во ветувањето. Потврда за тоа е и Отчетот на министерството за транспорт и врски, бидејќи во делот на завршени проекти не е објавен овој регионален пат, иако според ветувањето требаше да биди завршен во октомври 2011 година. Овој проект не е споменат ни во Отчетот на Владата за 2011-2012
Линкови:
- Журнал (30.08.2010). Скопје – Македонски брод само 40 километри пат. [Пристапено на: 20.12.2011]
- Телма (17.12.2011). Иселените од Порече бараат отворање на патот преку Јасен. [Пристапено на: 20.12.2011]
- Министерство за транспорт и врски (декември 2011): Отчет за работата на Министерството за транспорт и врски во 2011 година [Пристапено на: 13.09.2012]
- Влада на РМ (20.07.2012): Речено – Сторено: Отчет за работењето на Владата предводена од ВМРО-ДПМНЕ и нејзините коалициони партнери 2011-2012. [Пристапено на: 13.09.2012]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
