ВМРО-ДПМНЕ: Рекреација на припадниците на армијата
Ќе продолжиме со инвестиции во капацитетите за рекреација на припадниците на армијата, нивните семејства и останатите граѓани: Во комплексот Св. Наум ќе бидат изградени бунгалови и содржини за рекреација. [Рок: 2011 – 2013] Во комплексот Крушино ќе биде извршено целосно реновирање на постојниот објект и изградба на нови дополнителни содржини. [Рок: 2014]
Образложение:
Изградбата на воените бунгалови во близина на комплексот Свети Наум е започната во 2011 година.
Во Отчетот за сработеното на Владата на Република Македонија предводена од ВМРО-ДПМНЕ, 2011-2014 , во делот „Одбрана“ е наведено:
Доизградба на капацитетите за спорт и рекреација во Св. Наум и во Крушино. Во тек е реализација на проектот во Св. Наум во Охрид.Започната е реализацијата и на проектот во Крушино, а во моментов се води имотно-правна постапка. По завршувањето на постапката ќе се продолжи со реализација на овој проект.
Според тоа, може да се констатира дека ветувањето : „Рекреација на припадниците на армијата“, е неисполнето.
Линкови:
- Сител Телевизија (04.05.2011): Министерството за одбрана го реновира автокампот „Свети Наум“. [Пристапено на: 19.04.2013]
- Отчет 2011-2014: Одбрана [Пристапено на: 05.04.2014]
Оценето од: Оливера Војновска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
