ВМРО-ДПМНЕ: Стажирање на Македонци од соседните земји и дијаспората во Македонија
Цел на овој проект е доближување на младите од дијаспората до Република Македонија. Предвидено е учество да земат студенти во завршните години на студирање, припадници на македонските заедници во соседните држави и во дијаспората. Истите ќе стажираат и земат учество во работните активности на државните институции во Македонија, поточно во оние институции кои ја третираат областа поврзана со нивните образовни квалификации. Буџет: 7.500.000 денари Рок: [2015]
Образложение:
Можноста за стажирање на Македонци од соседните земји и дијаспората во Република Македонија, освен во програмата на ВМРО (2014-2018), беше најавена и од страна на министерот за надворешни работи, Никола Попоски при одржувањето на петтата годишна конференција на иселенички организации (24-25.07.2014 год.).
Тој информираше дека покрај стандардните проекти што МНР ги поддржува како културни катчиња, програмите за изучување македонски јазик онлајн или преку настава и афирмација на лекторатите по македонски јазик, новина ќе биде и можноста за стажирање на Македонци кои живеат во соседството или во дијаспората. Целта е тие одреден период да поминат во македонски институции како МНР или други институции, зависно од струката која ја имаат. [Пристапено на 26.03.2015]
Во март 2015 година Министерството за надворешни работи објави “Јавен повик за аплицирање за стажирање во државните институции на Република Македонија”. Во повикот е наведено дека аплицирањето за стажирање во државните институции на РМ ќе се врши до 31.12.2015. [Пристапено на 26.03.2015]
Линкови:
- Извор: Проверено – Изборна програма на ВМРО-ДПМНЕ (2014 – 2018), (Надворешни работи, европски и евроатлански интеграции, Страна 252)
- http://www.mojotizbor.mk/images/programi2014/vmro-2014.pdf
- Сител (24.07.2014): Попоски: Поголем ангажман од клучните членки на НАТО и ЕУ за решавање на името [Пристапено на 26.03.2015]
- http://sitel.com.mk/poposki-pogolem-angazhman-od-kluchnite-chlenki-na-nato-i-eu-za-reshavanje-na-imeto
- Вечер (24.07.2014): Нема решение без конкретни чекори од Атина! [пристапено на 26.03.2015]
- http://vecer.mk/makedonija/nema-reshenie-bez-konkretni-chekori-od-atina
- Агенција за иселеништво (25.07.2014):Петта годишна конференција на иселеничките организации [Пристапено на: 26.03.2015]
- http://www.makemigration.com/iselenistvoweb/index.php?page=38
- Министерство за надворешни работи. Јавен повик за аплицирање за стажирање во државните институции на Република Македонија (03.2015) [Пристапено на: 26.03.2015]
- http://www.mfa.gov.mk/index.php/mk/dijaspora-izvestuvanja/1369-2015-02-27-22-06-53
Оценето од: Милена Јосифовска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар