Во Карпош почна изградбата на првата фитнес зона

sdsm-logo

 

ВЕТУВАЊЕ: Фитнес зони во повеќе населби во Карпош. Се грижиме за развој на спортот во општината. На повеќе локации низ општина Карпош (Влае 1, Влае 2, Козле, Кеј на Вардар, Владо Тасевски) ќе изградиме отворени фитнес-зони, од екоматеријали, безбедни за користење за сите граѓани во општина Карпош.
Овие фитнес-зони ќе овозможат подобра физичка и здравствена подготвеност на граѓаните. Дел од фитнес-зоните ќе бидат изработени во соработка со Агенцијата за млади и спорт. Последните испитувања на јавното мислење покажуваат дека граѓаните сакаат да бидат поактивни – со овој проект нудиме директна можност за зголемена физичка активност. Целна група: Млади, сите граѓани на Карпош; Рок: 2018 година

[ИЗВОР: Изборна програма за локалните избори 2017-2020 година – „Живот во Карпош! За сите“ (стр.25), датум: октомври 2017 ]

 

ОБРАЗЛОЖЕНИЕ:

Ветувањето за изградба на фитнес зони во повеќе населби во Карпош, е ветување на градоначалникот на Карпош Стефан Богоев, кое е во тек на реализација. Проектот е дел од неговата предизборна програма за локалните избори 2017-2020 година, насловена како „Живот во Карпош! За сите“ (стр.25).

На 15.03.2018 година, порталот Макфакс, јави дека во Карпош 4 почнале активностите за изградба на првата современа фитнес-зона на отворено во Општината.

Во соработка со Агенцијата за млади и спорт, ќе се добие фитнес-зона опремена со 8 справи за вежбање, од кои една справа за лицата со посебни потреби. Во оваа пригода градоначалникот на општина Карпош, Стефан Богоев, посочи дека фитнес-зоната е на локација што е лесно достапна за граѓаните и истата ќе може да се користи од граѓани на различна старосна возраст.

Информацијата беше пренесена и на официјалната веб – страница на Општина Карпош, како и на официјалниот Фејсбук профил на градоначалникот на Карпош, Стефан Богоев.

Станува збор за инвестиција на Агенцијата за млади и спорт (АМС), при што фитнес зоната ќе чини 1.999.994,00 денари (со вклучено ДДВ), а рокот за изведба е три месеци.

Веста дека ќе се изгради нова фитнес зона во Карпош, беше пренесена и на официјалната веб- страница на Агенцијата за млади и спорт, на 16.03.2018.

Денес во Карпош 4, директорот на Агенцијата за млади и спорт, Дарко Каевски заедно со градоначалникот на Општина Карпош, Стефан Богоев го означија почетокот за изградба на првата современа фитнес зона во Општината. Каевски, посочи дека Агенцијата работи на приближување на спортот и спортските активности до сите граѓани, и дека овој проект ќе продолжи и во претстојниот период.

Имајќи предвид дека веќе е започната изградба на една фитнес зона во Карпош и дека градоначалникот Богоев во својата програма ветува изградба на повеќе вакви зони во Општината,  неговото ветување во мометнтот (20.03.2018) добива оценка е во тек.

 

ИЗВОРИ:

 

Оцени: Ана Анастасовска


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.

Напишете коментар

Вашата адреса за е-пошта нема да биде објавена. Задолжителните полиња се означени со *