Зелениот картон сè уште не поевтини

Патувањето останува со стари цени за зелениот картон. Фото: Википедија

Владејачката партија СДСМ во предизборниот период го даде следното ветување, кое засега е неисполнето: „Ќе ја намалиме цената на зелениот картон.“ [Извор: СДСМ – План за живот во Македонија, стр.78 и стр.218 , датум, крај на 2016 г.]

Владејачката партија СДСМ во предизборниот период го даде следното ветување, кое засега е неисполнето:

Ќе ја намалиме цената на зелениот картон

[Извор: СДСМ – План за живот во Македонија, стр.78 и стр.218 , датум, крај на 2016 г.]

 

ОБРАЗЛОЖЕНИЕ:

Социјалдемократскиот сојуз на Македонија, во кампањата за парламентарните избори во 2016 година во својата предизборна програма вети дека новата влада на СДСМ ќе ја намали цената на зелениот картон за осигурување на патничките и товарните моторни возила за патување во странство.

Во програмата „Живот за сите во Македонија“ ова е ветено на две места – во општиот дел под главата „Транспорт и врски“, точка „Г. Праведен транспортен систем“ на стр.78 и подолу во временски специфиранииот рок „План 180 – Итни реформски приоритети на новата влада“, под точката „Инвестиции“ на стр.218.

Ова ветување, меѓутоа, во Програмата на за работа на Владата на РМ 2017-2020 година е споменато, но е дадено без временски рок и е врзано на некој начин за товарниот транспорт:

Владата ќе развие транспарентен систем за праведна распределба на ЦЕМТ дозволите, и ќе даде подршка и сигурност на компаниите, нудејќи рамноправни услови за сите учесници. Потенцијалот за развој ќе се стимулира и преку намалување на цената на зелениот картон. (Инвестиции за одржлив раст/Инфраструктура, стр. 44)

По детална претрага на интернет, вклучувајќи ги и веб сајтовите на Владата и на Министерството за транспорт и врски, како и медиумските архиви, може да се констатира дека Владата на РМ засега не го исполнила ова предизборно ветување во првите 6 месеци, иако доминантен носител на извршната власт е СДСМ, а, исто така, се забележува и недоследност од предизборната програма каде што ветувањето е најавено како мерка на идната реформска влада и точката за исполнување на ова ветување е ставено во Програмата на Владата.

Инаку, оваа материја е регулирана во Законот за задолжително осигурување во сообраќајот и е под диреткна надлежност на Владата, на предлог на соодветна Комисија.

Поради погоре изложените факти, оценуваме дека ветувањето за намалување на цената на зелениот картон за сопствениците на возилата во РМ, е неисполнето.

 

ИЗВОРИ:

 


Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.