Жерновски утре повторно во СЈО – „на маса“ шамарите?
Градоначалникот на општина Центар, Андреј Жерновски, утре по вторпат од воспоставувањето на Специјалното јавно обвинителство, ќе дава исказ за материјалите поврзани со „бомбите“ обелоденети од СДСМ. Како што за медиумите соопштија од Општина Центар, поводот се нарачаните шамари врз Жерновски и за демолирањето на општинските бараки на „протестите“ во јуни 2013 година.
Во еден од прислушуваните разговори што минатата година беа обелоденети, се слуша како, како што тврдеа од опозицијата, Груевски бара да се инсценира протест при кој ќе се влезе и во објектот на општината за новиот градоначалник на општината Андреј Жерновски да добие неколку шлаканици в лице.
Жерновски првиот исказ пред СЈО го даде на 26 јули годинава.
Нарачката за „шамари“ ја слушаме во 23-та бомба.
НГ: Јас си мислам покрај тоа што на уставен ќе падне, у петок он да изеде едно пет шест шамари пред камери… да влезат граѓани и еден граѓанин да дојде да му удри три шамари, јаки, и да си искочи
МЈ: Може да договориме сценарио мислам, ја планирав овие нашиве да излегуваат да протестираатНГ: Ама не го збори ова на никој
МЈ: Не, добро
НГ: Оти ако се расчуе, џабе, ќе знае и ќе спречи
МЈ: Значи ептен онака значи, тоа е исто како мали џокица замислува нешто си прави одлука и си пишува шо сака во одлуката
НГ: Подговтви го Мартин и Суле да спремаат од утре да маваме.
МЈ: Добро, ги имам материјалите…
НГ: У петок ќе му собереме едно 2.000 луѓе пред Центар, дел ќе си влезат и внатре, пошо нели имаат право граѓани да влезат, па да видиме да размислиме дали еден да стане и едно три четири шамари јаки да му врзе пред сите. Не може ништо да му се напраи, нема тешка телесна повреда тука за кривична, има прекршочна само.
МЈ: А.. Добро е советниците да прават тие како за буџетот шо прават
НГ: Како
МЈ: Нашиве советници да прават како за тие што правеа за буџетот. Да излегуваат да викаат спротивно на закон, не си ти устав да цениш, кој си ти устав да цениш
НГ: Да да… Ќе му ја скршиме седница,
МЈ: Тоа е
НГ: Нема да може да одржи една седница,
МЈ: Важи, ќе го спремам и Мартин…
НГ: Aли да имаме со аргументи да ја напумпаме атмосферата дека праи фалш за после тоа да има оправдување за тој чекор
МЈ: Важи ќе ги спремам јас ќе се слушнам со Мартин… Ги имам сите аргументи
НГ: Ај
МЈ: Важи поздрав
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар