АНАЛИЗА : За греење, парно, транспорт, институциите должат над 81 милион евра , милионски долгови и за инвентар

Од вкупните внатрешни долгови на државно и на локално ниво во износ од скоро 400 милиони евра, дури 20 отсто се само по основ на неплатени сметки за комуналии, струја, греење, транспорт, а скоро 22 отсто од долгот е за неплатени материјали и ситен инвентар, пишува Порталб

 

Здравството, општинските и државните  јавни претпријатија со најголем долг

Највисоки милионски износи на долгови пријавиле здравствените институции,болници, клиники, институти, потоа општинските јавни претпријатија, јавните претпријатија во државна сопственост  и државни фирми. “Порталб“ направи компаративна анализа за состојбата на долговите на годишно ниво. На крајот од третиот квартал јавните здравствени установи пријавиле долг во износ од 104 милиони евра – со раст од скоро 42 милиони евра во однос на третиот квартал од 2021 година.

                                   Доспеани, а неплатени обврски

                                                      септември 2022                          септември 2021

Јавни здравствени установи            103.810.000 евра                     62.100.000 евра

Државни фирми и ЈП                         126.000.000 евра                     124.660.000 евра

Општински ЈП                                        70.800.000 евра                       52.300.000 евра

Раст на долговите во септември 2022 во однос на истиот период лани има и кај јавните претпријатија во државна сопственост и државните фирми – доспеаните, а неплатени обврски изнесуваат 126 милиони евра, а долговите на општинските јавни претпријатија се во износ од 70,8 милиони евра, што е раст за 18,5 милиони евра.

 

Над 40 отсто од долговите за комуналии, инвентар , материјали

За комуналии, струја, вода, транспорт, телефони, интернет, мебел и и инвентар – по овој основ се најголемите долгови на државните институции, јавни претпријатија, општини, здравство, образование. На крајот од третиот квартал од годинава само по основ на комунални сметки ( струја, вода, комуникации) доспеаните а неплатени обврски на институциите на државно и на локално ниво изнесувале фантастични 81,3 милиони евра  и во однос на истиот период лани се зголемени за цели 35,5 милиони евра.

                               Доспеани, а неплатени сметки

                                                             септември 2022                        септември 2021

комунални сметки                                81.300.000 евра                    45.780.000 евра

материјали и ситен инвентар            84.755.000 евра                    45.056.000 евра

договорни услуги                                  42.933.000 евра                    33.100.000 евра   

патни и дневни расходи                            161.000 евра                         253.500 евра

Милионски износи на долгови и по основ на набавени а неплатени материјали и ситен инвентар, долг од скоро 85 милиони евра  со зголемување за драматични 40 милиони евра во однос на истиот период лани. Високи износи на неплатени обврски има и за „договорни услуги“, на крајот од септемрви 2022 година долгот бил скоро 43 милиони евра додека во истиот период лани изнесувал 33 милион евра. На годишно ниво раст има и кај долговите за патни и дневни расходи, од 161.000 евра во септември 2021 се зголемиле на 253.500 евра.

На новата должничка листа што ја објавува Министерството за финансии долгови пријавиле 864 институции на државно и на локално ниво – министерства, болници, училишта, судови, факултети, општини, јавни претпријатија, институции од културата. Од министерствата највисок износ на долг од 1,5 милион евра пријавило Министерство за образование, Министерството за култура должело 860.000 евра а трето по висина на долгот е Министерството за правда со износ од 611.000 евра. 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар