Авировиќ и луѓето со качулки беа заедно во собраниската сала
Пратеничката од Социјалистичката партија, Владанка Авировиќ, која за време на крвавиот инцидент во Собранието (27.04.2017) беше во пленарната собраниска сала, за НОВА ТВ изјави:
Не влегоа луѓе со качулки , тоа беше само народ. Ние во салата кога бевме немаше такво нешто, ниту пак знаевме што се случува надвор од салата…
[Извор: НОВА ТВ (од 0,50 до 1,00 минута од видеото) Датум: 02.05.2017]
ОБРАЗЛОЖЕНИЕ:
Оваа изјава на пратеничката од Социјалистичката партија, Владанка Авировиќ, која е дел од коалицијата предводена од ВМРО-ДПМНЕ, во која вели дека во собраниската сала не влегле „луѓе со качулки, туку тоа било само народ“, е невистинита.
Доволно е да се погледнат снимките од Собранието од моментите кога демонстрантите се во салата, на нив јасно се гледа дека и Авировиќ е присутна во собраниската сала кога има лица со качулки, а во еден момент таа дури и ги фотографира (1.47 минута од видеото).
ИЗВОРИ:
- НОВА ТВ (02.05.2017): (ВИДЕО)Трае увидот во Собрание,Авировиќ не видела тепачи во четвртокот[Пристапено на 03.05.2017]
- Тајм.мк (28.04.2017): Заев: Ова вчера беше обид за убиство со умисла и со план [Пристапено на 03.05.2017]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
