„Безбеден град“ не е за хиперконтрола на слободата на движење
Процесот не служи за следење на граѓаните, туку за поголема ефикасност, транспарентност и законито постапување. Сите технички алатки се користат строго по закон и под надзор, без нарушување на приватноста, велат од Министерството за внатрешни работи за „Вистиномер“
Процесот не служи за следење на граѓаните, туку за поголема ефикасност, транспарентност и законито постапување. Сите технички алатки се користат строго по закон и под надзор, без нарушување на приватноста, велат од Министерството за внатрешни работи за „Вистиномер“
Рецензираме објава на социјалната мрежа Фејсбук во која пишува:
Жими амишов. Само некој кој има тежок облик на шизофренија или е платен јаничар може да поверува дека овој систем е за сообраќајот. Амеби, телетабиси, жители на етноцидна геноцидна фашистичка творба наречена северџанија ова е за хипер контрола на слободата на движење со локатод преку паметен телефон а визуелно со камера. Што не ви е јасно бе шашардисани среќни робови гласачи.
Во склоп на објавата се споделува фотографија од една од камерите од новиот систем за контрола на прекршоците во сообраќајот – „Сејф Сити“ (Безбеден град) инсталиран во Скопје. Дека фотографијата е од системот „Безбеден град“ потврдува фактот што истата е објавена на Фејсбук страницата на Министерството за внатрешни работи, во објава од 1 декември годинава во којашто министерот за внатрешни работи, Панче Тошковски информираше дека започна пробниот период на системот „Безбеден град“ и дека прекршоците автоматски се бележат, а сопствениците добиваат известување. Според Тошковски за 12 часа регистрирани се над 65.000 прекршоци.
Фотографијата е споделена дента кога Тошковски го посети објектот каде е сместен централниот систем „Безбеден град“.
Со последните измени на Законот за безбедност на сообраќајот на патиштата, прекршоците документирани со технички средства – камери, сензори и уреди за снимање – се сметаат за валиден доказ. Во првата фаза системот ќе регистрира: брзо возење, минување на црвено светло, истечена важност на сообраќајна дозвола и непрописно паркирање. Во следната фаза е предвидено проширување на спектарот на прекршоци, сподели министерот за внатрешни работи Тошковски.
Процесот не служи за следење на граѓаните, туку за поголема ефикасност, транспарентност и законито постапување. Сите технички алатки се користат строго по закон и под надзор, без нарушување на приватноста, велат од Министерството за внатрешни работи за „Вистиномер“.
Оваа алармантна бројка уште еднаш ја потврдува неопходноста и оправданоста на системот, од кој очекуваме значително подобрување на сообраќајната култура, зголемена безбедност за сите учесници во сообраќајот и намалување на штетите и жртвите на патиштата. Со стартот на овој систем испраќаме јасна порака – безбедноста на граѓаните е врвен приоритет. Нема толеранција за несовесно возење, без разлика дали е во градска зона или на отворен пат. ‘Безбеден град’ е проект кој штити животи и ја враќа дисциплината во сообраќајот. МВР ќе продолжи со тестирањето и унапредувањето на системот, со цел негово целосно функционирање во наредната фаза, наведе Тошковски.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар