БИРН Косово: Министерот Шала не ја кажува вистината за инцидентот со новинарот

 

Во вторникот навечер (17.12.2019), новинарот на порталот „ИндексОнлајн“ пријави во косовската полиција дека бил физички нападнат од актуелниот Министер за трговија и индустрија, Ендрит Шала, откако тој бил сликан додека посетил негов близок во болница. Шала од друга страна, изјави дека помеѓу него и новинарот имало само вербален конфликт и дека во никој случај не го удрил новинарот,  а ниту знаел дека човекот е новинар.

Според проверката на БИРН Косово, конфликтот меѓу актуелниот министер Ендрит Шала и новинарот не е само вербален. Во ексклузивната снимка објавена на KALLXO.com, министерот Шала се гледа како го удира новинарот на порталот ИндексОнлајн, Енсар Рамадани. Во врска со овој случај, обвинителот Бесим Келменди кој е координатор во Кабинетот на главниот државен обвинител за прашања за напади и закани против новинари, покренал истрага за овој случај.

Па така, оваа изјава на Шала БИРН Косово го оценува како невистина.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.