БИРН Косово: Пратеничката Балје со нова политичка партија

Од admin On Jan 20, 2020 0

Сервисот за проверка на факти во Косово, БИРН Косово освен ветувањата ги следи и изјавите на политичарите и јавните функционери и нивната доследност и вистинитост.

Имено, за време на предизборната кампања за парламентарните избори на 6 октомври 2019 година, претставничката на бошњачката заедница во Собранието на Косово, Дуда Балје одговори на 44 прашања на БИРН Косово (интервјуто беше објавено на 18 септември 2019 година). На прашањето дали е веројатно таа да ја смени својата партија – Бошњачката демократска партија, Дуда Балје одговори: „Не верувам, никогаш.“

Дуда Балје на последните избори доби 2.751 гласови и беше избрана за пратеничка. По изборите работите се сменија. Првично, на 9 ноември 2019 година Балје поднесе оставка од сите позиции во Бошњачката демократска партијa, а на 14 јануари оваа година (2020) таа основаше своја партија, Социјалдемократски сојуз, која исто така е регистрирана во Централната изборна комисија (ЦИК). Со овие аргументи, БИРН Косово заклучи дека изјавата на Балје е недоследна.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.