БИРН Косово: Предвидениот земјотрес на социјалните мрежи беше лажна вест

Од admin On Dec 4, 2019 0

Косовската секција на Балканската мрежа за истражувачко новинарство (БИРН) анализираше информација од таканаречената Научна природна компанија за потенцијален земјотрес во Косово, објавена на социјалните мрежи на 28 ноември. Според оваа информација се очекувал земјотрес во 2 часот по полноќ со интензитет од 7,2 во Јадранско море, а истиот во Косово би се чувствувал со јачина од 6,6 степени.

KALLXO.com за да ја потврди оваа информација го контактираше директорот на Косовскиот сеизмолошки институт, Шемси Мустафа, кој овие информации ги нарече лажни вест и пропаганда и истакна дека институциите што ги следат земјотресите немаат опрема за да се предвидат локацијата, големината и времето на земјотресот.

Со ова образложение споменатата информација беше оценета како невистина.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.