Д-р Олумчев: Превентивните мерки мора да се почитуваат и масовната вакцинација продолжи за да се спречи делта сојот
„Сметам дека мерките на олабавување граѓаните погрешно ги разбраа. Тие мерки Владата ги ублажи да ни помогнат да почнеме економски да функционираме и колку.толку да се вратиме во некоја нормала, а не да одиме масовно на одмор во земјава и странство и да се групираме, да не носиме маски во затворен простор,“ вели гевгелискиот епидемиолог д-р Сашо Олумчев во интервјуто за „Вистиномер“, додавајќи дека се уште немаме излезено од опасната зона со оглед на тоа колку е опасен новиот делта сој на корона вирусот
„Сметам дека мерките на олабавување граѓаните погрешно ги разбраа. Тие мерки Владата ги ублажи да ни помогнат да почнеме економски да функционираме и колку.толку да се вратиме во некоја нормала, а не да одиме масовно на одмор во земјава и странство и да се групираме, да не носиме маски во затворен простор,“ вели гевгелискиот епидемиолог д-р Сашо Олумчев во интервјуто за „Вистиномер“, додавајќи дека се уште немаме излезено од опасната зона со оглед на тоа колку е опасен новиот делта сој на корона вирусот
Веќе извесен период во Гевгелија и регионот што го покрива тамошниот Центар за Јавно здравје нема новозаболени ковид пациенти. Од почетокот на пандемијата со Ковид-19 во овој дел на државата вкупно заболеа 2.195 лица, а 72 починаа од компликации предизвикани од вирусот. Во средиштето на борбата против коронавирусот во гевгелиско и подигнување на степенот за заштита на населението, беше епидемилогот д-р Сашо Олумчев, кој смета дека како население не треба да се опуштаме, бидејќи делта сојот е многу позаразен и опасен. Тој смета дека ако епидемиолошката состојба во земајва се влоши, треба да се размилува за одложување на уечбната година за месец дена како лани. Еве што вели д-р Олумчев за „Вистиномер“:
Каква е епидемилошката состојба со ковид-19 во Гевгелија?
Во овој регион, за кој ние како Центар за јавно здравје сме одговорни, моменталната епидемиолошка состојба е стабилна. Тоа се должи, пред сè, на вакцинираните лица, на интензинвата вакцинација која во последниот месец и половина беше на завидно ниво. Поголем број граѓани од гевгелискиот регион се вакцинираа на пунтковите во Гевгелија и Кавадарци, Стабилната епидемиолошка состојба се должи и на самиот факт што имавме евидентирани околу 2.200 заболени лица од ковид-19. Ако оваа бројка ја помножиме со два, бидејќи добар дел го прележаа вирусот, доаѓаме до една респектабилна бројка на вакцинирани и прележани граѓани, кои можат да го подигнат природниот имунитет на нашето подрачје.
Очекувате ли промена на сегашната епидемилошка состојба?
Сега сме во исчекување на она што ќе се случува со делта сојот. Моите прогнози, кои ги искажав уште пред два месеци, се дека ќе имаме промена во состојбата, како и дека овој сој ќе ни направи сериозни проблеми во наредниот период. Овој сој битно се разликува од оној првичен ковид-19. Ако се земе предвид дека тој е 60-70 отсто позаразен од алфа сојот, дека само блиц контакт е доволен за да се добие инфекција, тогаш работата е повеќе од сериозна. Сметам дека мерките на олабавување граѓаните погрешно ги разбраа. Тие мерки Владата ги ублажи да ни помогнат да почнеме економски да функционираме и колку.толку да се вратиме во некоја нормала, а не да одиме масовно на одмор во земјава и странство и да се групираме, да не носиме маски во затворен простор.
Кои се превентивните мерки за заштита од делта сојот на Ковид-19?
Превентивните мерки се тие независно за каков сој на вирус станува збор. Носење маски и држење дистанца и честа дезинфекција. Мора да ги почитуваме за да се заштитиме себе си и луѓето околу нас.Друга мерка е масовна вакцинација како што сега се одвива во земајва, но за тоа ни треба време за да се опфати целокупното население. Во меѓувреме, додека стекнеме колективен имунитет, мора да ги почитуваме тие мерки. Ние сега имаме вакум простор со децата од градинка и до 14 годишна возраст. Според мене, целокупната ситуација околу делта сојот во идниот период ќе ја комплицира фактот што нареден таргет на овој сој ќе бидат децата, за кои досега нема дизајнирано вакцина и кои ќе заболуваат наредните месеци.
Дали децата во септември треба да се вратат на училиште?
Рековме дека треба да се вратат но сè уште е неизвесно дали тоа ќе се случи или не. Ние мора да бидеме подготвени на двете сценарија. Да се вратат или да се продолжи со онлајн настава. Не знаеме што ќе се случи со делта варијантата на вирусот. Ако мене ме прашате секако дека сакам децата да се да се вратат на физичка настава и поради квалитетот на наставата, но и поради социјалното дружење, кои се дел од самото образование. Меѓутоа, здравјето е број еден. Ако имаме неимунизирана популација и доколку делта сојот ја нападне истата, тогаш здравјето секако дека е приоритет. Морам да повторам: сè ќе зависи од тоа каква ќе биде бројката на заразени во месец август, кога сите ќе се вратат од одмори. И ако таа нагло почнува да се зголемува, мора да размислуваме почетокот на училишната година да биде одложен барем за еден месец. Но, тоа ќе зависи што ќе ни се случува во наредниот период, колкава ќе биде бројката на лица со сиптоми и заболени. Можеби и ќе нема ништо од сето тоа, но мора да бидеме подготвени. Затоа, тие превентивни мерки мора и понтаму да се почитуваат.
![]()
Овој напис е изработен во рамките на Проектот за брзо справување со вакциналните дезинформации, имплементиран од Фондацијата Метаморфозис. Тој е првично објавен во Вистиномер, а e овозможен со поддршка на Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States). Содржината на написот е одговорност на авторот и не секогаш ги одразува ставовите на Метаморфозис, БТД или нивните партнери.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
