Денешната бројка на нови пациенти со Ковид-19 не е „околу 200“, туку 125
[Рецензија: ПРВИ ДОЗНАВАМЕ: ДЕНЕС БРОЈКАТА НА НОВОЗАБОЛЕНИ Е ОКОЛУ 200]
Линк до оригиналниот напис: ПРВИ ДОЗНАВАМЕ: ДЕНЕС БРОЈКАТА НА НОВОЗАБОЛЕНИ Е ОКОЛУ 200
Датум и време на објавување: 6.6.2020
Датум на рецензија: 6.6.2020
Рецензент: Мирослава Бурнс
Порталот неофицијално дознал дека бројката на новозаразени со корона-вирус во текот на последното деноноќие е околу 200 лица. Сепак, откако беше објавена официјалната статистика за денот од страна на Министерството за здравство, позитивни на корона-вирус се 125 лица, бројка што е за 75 пациенти пониска од таа што неофицијално се споменува во целиот текст што го рецензираме.
Во членот 1 од Етичкиот кодекс на новинарите пишува дека новинарот треба да објавува точни, проверени информации.
Бројот на новозаразените е помал отколку што објави овој медиум. Информацијата беше пренесена и на други медиуми.
Министерството за здравство информира дека во последните 24 часа се направени 1085 тестирања, а регистрирани се 125 нови случаи на ковид-19 во: Скопје-46, Kуманово-19, Штип-17, Прилеп-1, Тетово-16, Струга-7, Велес-3, Битола-1, Охрид-5, Гостивар-6, Кочани-1, Делчево-1, Неготино-2.
Овој напис е дел од специјалното известување на „Критинк“ за дезинформациите поврзани со епидемијата на корона-вирусот Ковид-19. Кликнете на линкот за најнови вести и проверени информации од оваа област.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар