Децата од Хиподром сè уште го чекаат новото училиште
Проект: Изградба на нов училиштен објект во ОУ „Вера Јоциќ“ во соработка со Министерството за образование и наука. Вредност: 90 милиони денари. (Рок: јуни 2016 година)
ОБРАЗЛОЖЕНИЕ:
Овој проект е најавен во изборната програма на градоначалникот на Општината Гази Баба, Тони Трајковски за локланите избори за 2013-2017 година, но досега не е реализиран.
Изградба на нов училиштен објект во ОУ „Вера Јоциќ“,градоначалникот Трајковски најави на почетокот од неговата изборна трка за втор мандат во интервју за телевизија Телма. Веста за реализираното инетрвју и за најавените проекти беше објавена на официјалната Фејсбук страна на градоначалникот на Гази Баба.
Исто така, Тони Трајковски презентираше дел од изборната програма 2013-2017, каде ги наведе поголемите проекти кои ќе се реализираат во текот на следните 4 години:
– Изградба на нова општинска зграда;
– Изградба на нов училишен објект vo ОУ „Вера Јоциќ“ во соработка со Министерството за образование и наука;
На 23.11.2014 година, дел од медиумите, повикувајќи се на изјава на градоначалникот Тони Трајковски, објавија дека новата училишна зграда на ОУ „Вера Јоциќ“ ќе се гради со донација од Владата на НР Кина, дека тоа ќе биде на два ката, со капацитет за 500 ученици, кои би посетувале настава во две смени.
Проектот го води Секторот за европски прашања. Од НР Kина беа стручни лица и направија увид во училиштето. Последен пат се сретнавме пред околу пет месеци со нивните инженери во мојот кабинет. Изготвен е проект, а испитано е и земјиштето – изјави Трајковски.
На стартот на учебната година во 2015 година, порталот Фактор, објави статија дека ветувањата за ново училиште во населбата Хиподром останале празни. Порталот се повикува на реакции од родители чии што деца учат во Вера Јоциќ.
На стартот на новата учебна година неизвесно е дали учениците ќе дојдат во училиште. Дел од родителите најавија дека денеска ќе организираат протестен собир во училишниот двор и ќе правата петиција да не ги пуштат своите деца на првиот училишен час, бидејќи тие со години учат во старо и дотраено училиште, во кое според нив, не е безбедно да се следи настава.
На 17.05.2016 година, градоначалникот бил во посета на населба Хиподорм, при што ги информирал тамошните жители дека има застој во изградбата на училиштето.
Топ тема беше изградбата на ново ОУ, за кое градоначалникот напомена дека застојот е направен од страна на кинезите и проблемите со различните стандарди кои се применуваат во градењето, и додаде доколку кинезите набрзо не започнат со градба, Владата ќе ја преземе обврската за изградба на ново ОУ во нашата населба.
Имајќи го предвид сето ова, како и рокот наведен во изборната програма, може да се заклучи дека ова ветување на Трајковски не е исполнето.
ИЗВОРИ:
- Изборна програма на ВМРО-ДПМНЕ за локалните избори 2013-2017 година – Нови дела за нов напредок, нови дела за подобра општина Гази Баба (стр.11) [Пристапено: 08.06.2016]
- Официјална Фејсбук страна на градоначалникот на Гази Баба, Тони Трајковски [Пристапено: 08.06.2016]
- Дневник (23.11.2014) Кинезите ќе го градат и ОУ Вера Јоциќ во населбата Хиподром [Пристапено: 08.06.2016]
- Фактор (01.09.2015) Празни ветувања за Хиподром: Нова учебна година во старо руинирано училиште [Пристапено: 08.06.2016]
- Хиподром.мк (17.05.2016) Градоначалникот на Гази Баба во посета на н. Хиподром [Пристапено: 08.06.2016]
Оценето од: Ана Анастасовска
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
