Изграден кружниот тек во Берово

Од Сашо Спасоски 0
Кружниот тек на влезот на Берово изграден со задоцнување од осум месеци . Фото: Општина Берово

Проект: АСФАЛТИРАЊЕ ПАТИШТА И УЛИЦИ
Изградба на современо сообраќајно кружно решение на влезот на град Берово.
(Рок: 2015 година)

 

ОБРАЗЛОЖЕНИЕ

Кружен тек на влезот на Берово вети во својата изборна програма за локалните избори во 2013 година кандидатот на ВМРО-ДПМНЕ за градоначалник на Општина Берово, Драги Наџински. Овој проект е наведен на страницата 32 од програмата, каде стои дека рокот за исполнување на ветувањето е 2015 година. Според утврденото, ова ветување на Наџински е исполнето  со задоцнување од осум месеци.

Кружниот тек, односно како што е именуван во програмата на кандидатот на ВМРО-ДПМНЕ, „сообраќајно кружно решение“ требаше да ја замени доскорешната крстосница на улицата Маршал Тито на влезот на Берово, патот кон Струмица и патот кон селото Смојмирово. Првите конкретни најави за реализација на ветувањето се некаде пред истекот на наведениот рок, односно на 3 ноември 2015 година. Како што се наведува во веста, изведувачот е избран, а новото решение е дел од Програмата за развој 2016 – 2018 година на Општина Берово. За кружниот тек се обезбедени 8.530.000 денари од Агенцијата за финансиска подршка на земјоделието и руралниот развој и од Буџетот на општина Берово.

Инвестицијата на целиот проект ќе чини 8.530.000 денари кои се обезбедени од страна на Агенцијата за финансиска подршка на земјоделието и руралниот развој и од Буџетот на општина Берово и за истиот веќе е изберен изведувач со кој во тек е потпишување на договор за изведба.

Пребарувајќи ги веб-сајтовите на македонските медиуми, најдовме многу малку вести за реализацијата на ова ветување. Во една вест од 3 август годинава, дознаваме дека кружниот тек на влезот на Берово е речиси финализиран, односно тој е во функција, а останало само хортикултурно уредување на кругот и изведба на тротоари, како што може да се види и од фотографијата. Дека кружниот тек се користел уште од почетокот на август ни потврди и жител на Берово.

Работите потоа се завршуваат и на 8 септември годинава кружниот тек е свечено пуштен во употреба, дознаваме од информација објавена на веб-сајтот на Општина Берово, како и од фотографиите објавени со неа.

Според тоа, ветувањето на Драги Наџински за „современо сообраќајно кружно решение на влезот на град Берово“ е исполнето, иако со задоцнување од малку повеќе од 8 месеци.

 

ИЗВОРИ

 

Оценето од: Сашо Спасоски

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN