Нема абер од новиот мост на реката Бабуна во Богомила

Римскиот мост на реката Бабуба Фото: Википедија

Изградба на мост на реката Бабуна во с. Богомила заради заштита
на стариот Римски мост, преку кој моментално се одвива целокупниот сообраќај во тој дел од општината. (Извори на финансирање: Буџет на Република Македонија. Рок: 2013 година)

 

ОБРАЗЛОЖЕНИЕ:

Ветувањето за изградба на мост на реката Бабуна во с. Богомила, со што ќе се заштити стариот Римски мост преку кој се одвива целокупниот сообраќај во тој дел од Општината, е неисполнето ветување на градоначалникот на Општина Чашка, Горанчо Пановски. Ова ветување е содржано во неговата предизборна програма за локалните избори во 2013 година, „Нови дела за нов напредок, нови дела за подобра Општина Чашка“.

Директорот на ЈП за Државни патишта Александар Стојанов, најавувајќи ја програмата по која ќе работи јавното претпријатие во 2017 година, на 16. февруари годинава го потенцираше и проектот за изградба на нов мост на реката Бабуна кај село Богомила, Општина Чашка.

Жителите од ова населено место, години наназад апелираат дека мостот кој според градбата спаѓа во категоријата рустични мостови е во лоша состојба, пренесе порталот Лисица.

Ветувањето за овој мост го има во програмата на ВМРО-ДПМНЕ за предвремените парламентарни избори кои се одржаа лани во декември, како проект што допрва треба да се реализира, односно во периодот 2017 – 2019 година. Во делот посветен на проектите за изградба и реконструкција на мостови се вели:

Мост бр.2 на регионален пат Р2336 на р. Бабуна при влез во Богомила, општина Чашка, на местото од постоен оштетен мост со должина од 30 м и ширина од 8,5 м. Буџет: проценета вредност од 293.000 евра Рок: 2017-2019 година.

Имајќи го предвид сето ова може да се заклучи дека ветувањето на градоначалникот на Чашка, Горанчо Пановски, дека до крајот на 2013 година ќе се изгради нов мост на реката Бабуна кај село Богомила, е неисполнето.

 

ИЗВОРИ:

 

Оцени: Ана Анастасовска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.