Фатмир Изаири
Фатмир Изаири е веќе два мандата градоначалник на Општина Желино.
ПРИВАТЕН ЖИВОТ
Фатмир Изаири е роден на 22 декември 1962 година, во село Желино.
Оженет е и има две деца.
ОБРАЗОВАНИЕ
Дипломирал на Медицинскиот факултет и специјализирал педијатрија на Универзитетот „Св. Кирил и Методиј” во Скопје.
КАРИЕРА
Од 1993 година до неговото назначување за градоначалник, работел како лекар и раководител на поликлиника „Флоренс” со пет дејности од примарната здравствена заштита, со околу 30 вработени во редовен работен однос.
ПОЛИТИЧКА КАРИЕРА
Во 2009 година, на локалните избори, е избран за градоначалник на општина Желино, по што станува и претседател на Центарот на Полошкиот плански регион.
Како претставник од ЗЕЛС, е член на Комисијата за следење и оценка на исполнетост на условите за преминување во втората фаза од процесот на фискалната децентрализација, а исто така е делегат во Заедничкиот консултативен комитет меѓу Република Македонија и Комитетот на регионите на Европската унија.
На локалните избори во 2013 година, жителите на општина Желино, по втор пат му ја даваат довербата за градоначалник.
ИЗВОРИ
Веб-сајт на ЗЕЛС – Гласило април 2013
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар