Генерал Патон не му е татко на Доналд Трамп

Од Екипа на Вистиномер On Mar 10, 2025 0

Трамп на митингот во Феникс, Аризона - јуни 2024 Фото: Gage Skidmore from Surprise, AZ, United States of America, CC BY-SA 2.0, via Wikimedia Commons

Не е вистина дека Доналд Трамп е син на Патон, офицер на САД кој играл главна улога во Втората светска војна. Таткото на Доналд Трамп е Фред Трамп, успешен бизнисмен со недвижнини, според биографијата објавена на сајтот на Белата куќа. Патон починал во Германија во декември 1945 година, додека Трамп е роден во Њујорк во јуни 1946 година и не се во крвно сродство

Не е вистина дека Доналд Трамп е син на Патон, офицер на САД кој играл значајна улога во Втората светска војна. Таткото на Доналд Трамп е Фред Трамп, успешен бизнисмен со недвижнини, според биографијата објавена на сајтот на Белата куќа. Патон починал во Германија во декември 1945 година, додека Трамп е роден во Њујорк во јуни 1946 година и не се во крвно сродство

Рецензираме објава на социјалната мрежа Фејсбук во која пишува:

07.03.2025

Кој е Трамп

1950-2025 Обратете внимание на моментот ,завршена воена академија ..што значи дека е офицер.

Многумина не знаат … но Генерал Патон од втората светска војна 1941-1945 е негов биолошки татко…кој ги поразил нацистите и рекол

– ние не се боревме против вистинскиот непријател.

Славна изрека на Патон за време на војната:

,,Храброста… е страв една минута повеќе”.

Неговиот син, Трамп..овој пат го победи вистинскиот непријател .

И во ова многумина не веруваат .Но и многумина веруваат и веќе знаат.

Како што пишува „Бизнис Инсајдер“, повикувајќи се на „Вашингтон пост“, Трамп посетувал приватно училиште New York Military Academy, коешто било основано во 1889 година и се наоѓа во Корнвал Њујорк, 60 милји северно од Менхетн. Училиштето е рангирано на 236 место на најдобрите училишта во САД според едукативниот ресурс Niche.

Визијата на училиштето според наведеното на страницата е да биде водечки коедукативен колеџ односно подготвително улилиште во САД, коешто инкорпорира воена организација и традиции. Има академски курикулум и структурирана програма за армиско лидерство, водено од искусни возрасни ментори. Оваа академија ги подготвува учениците за предизвиците на факултетот.

Ова училиште Трамп почнал да го посетува на 13 годишна возраст. Потоа, според неговата професионална биографија, го посетувал The Wharton School при Универзитетот во Пенсилванија каде учел трговија и финансии.

Но, не е точно дека Доналд Трамп е офицер, како што невистинито се тврди во објавата. Тој никогаш не се приклучил кон Армијата на САД.

Исто така, не е вистина дека Доналд Трамп е син на Патон, офицер на САД кој играл главна улога во Втората светска војна. Таткото на Доналд Трамп е Фред Трамп, успешен бизнисмен со недвижнини, според биографијата објавена на сајтот на Белата куќа. Патон починал во Германија во декември 1945 година, додека Трамп е роден во Њујорк во јуни 1946 година и не се во крвно сродство.

Што се однесува на цитатот од Патон во објавата што ја рецензираме, тој е вистинит.

Според проверувачите на факти на „Ју Ес Еј Тудеј“ оваа теорија на заговор дека Доналд Трамп е поврзан крвно со генералот Патон, односно дека тој му бил татко, претставува теорија на заговор проширена од приврзаниците на Кју Анон.

Поради сите горенаведени факти, објавата што ја рецензираме ја оценуваме како невистина.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар