Горанчо Крстев – Грга

Горначо Крстев - Грга. Фото: Веб сајт на Општината Чешиново-Облешево

 

 

Градоначалник на Општината Чешиново Облешево од октомври 2017 година

 

БИОГРАФИЈА

Роден е на 26.06.1970 година во Кочани. Оженет е и има две деца.

 

ОБРАЗОВАНИЕ

По образование е рударски техничар. Нема податоци каде го има завршено основното и средното образование.

 

КАРИЕРА

Крстев никогаш не работел според струката. Според неговата официјална биографија тој кариерата ја започнува како основач и управител на фирма за транспорт “Грга транс“ во 2001 година. Единаесет години подоцна во 2012 година, го пропширува бизнисот и ја купува фабриката за откуп, продажба и преработка на ориз „Агро Грга“.

Нема наведено од кога точно се занимава и е активен во политиката, но во 2013 година е кандидиран за градоначалник на Чешиново-Облешево од страна на Социјал демократскиот сојуз на Македонија, на кои не ја добива довербата од граѓаните.

Победува на локалните избори во 2017 г. а во неговата програма нуди повеќе проекти категоризирани во клучни, капитални и месни.

Меѓу клучните проекти се поврзување со регионалниот водовод на Општина Кочани, фекална канализација за неколку села и асфалтирани патишата до сите населени места во оптината.

Како капитални проекти на граѓаните им ветил регулирање на речно корито на р. Брегалница и на Кочанска река, чистење на одводни канали, приклучување на регионален гасовод, повеќе откупни станици за земјоделски производи и друго.

Чешиново Облешево е една од најсиромашните општини во Македонија, чиј приходен буџет за 2018 година изнсеува само 256 илјади евра или нешто под 16 милиони денари, додека расходна страна за годинава е планирана на околу 735 илјади евра. Главен бизнис на граѓаните во општината е земјоделството.

 

 

 

ИЗВОРИ

Веб страница на општина Чешиново-Облешево

СДСМ – Живот за сите – Програма на кандидат за градоначалник Горанчо Крстев-Грга

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.