Градинката „Мајски цвет“ во Тафталиџе доби нов лик

Од Оливера Војновска 0

Градоначалникот на Општина Карпош, Стефан Богоев  во изјава за медиумите, дадена на почетокот на годината, најави  реконструкција на градинката „Мајски цвет“, во Тафталиџе 1:

Овој објект повеќе години е во лоша состојба, но, на пролет, ќе започнеме со реконструкција на тоалетите, а потоа ќе следи и промена на надворешната столарија и обнова на фасадата. За овие активности, Општината предвиде буџетски средства од пет милиони денари

[Извор: Веб-страница на Општина Карпош ; датум: јануари 2020]

 

ОБРАЗЛОЖЕНИЕ:

Ова ветување на градоначалникот на  Општина Карпош, Стефан Богоев, за реконструкција на градинката „Мајски цвет“ во Тафталиџе 1, кое исто така е дел од неговата изборната програма од 2017 година, „Живот во Карпош за сите!“  (стр.14) , е исполнето.

Реконструкцијата на оваа градинка е завршена и објектот изграден уште во 1965 година сега има нов лик. Во рамките на санацијата која започна во април, комплетно се реновирани тоалетите, обновени се инсталациите, поставени се нови ПВЦ прозорци и врати, направени се корекции на покривот и нова  фасада. Деновиве во оваа претшколска установа е извршена дезинфекција, дезинсекција и дератизација.

Општинските власти најавувајќи дека градинката ќе биде отворена на 14 септември, посочија дека целиот објект ќе биде енергетски ефикасен со значително подобра звучна и топлотната изолација.

Фото: karpos.gov.mk

Градоначалникот Богоев вчера ни потврди дека градинката „Мајски цевт“ во Тафталиџе 1 започнала со работа и веќе прима деца.

Информација и фотографии за текот на реконструкцијата на градинката може да се најдат на  веб-страницата на Општината и во дел  од медиумите.

 

ИЗВОРИ:

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy). Содржината на рецензијата е одговорност на авторот и не ги одразува ставовите на Метаморфозис и National Endowment for Democracy или нивните партнери.
Слични артикли

Оставете реакција

Јазици MK SQ EN