Хероите од Чернобилската несреќа преживеале после завршувањето на мисијата

Од Екипа на Вистиномер On Jun 9, 2025 0

Фото: скриншот од дел од објавата

Наспроти изнесеното во објавата, Алексеј Ананенко, Валери Безпалов и Борис Баранов кои што влегоа во подрумот да ги отворат вентилите за вода во Чернобил во 1986 година, сите тројца го доживеаа следниот 21 век. Борис Баранов почина од срцев удар во 2005 година на возраст од 64 години.Валери Беспалов во 2021 година работел во ЕнергоАтом, државно претпријатие во Киев што претставува спротивен факт на изнесениот во објавата што ја рецензираме дека тој загинал поради радиоактивно зрачење. А Алексеј Ананенко последен пат се споменува во медиумските известувања во 2024 година, иако претходно во 2019 година има давано интервјуа со физичко присуство на новинари кои биле да го посетат во Украина. Тоа покажува дека сите тројца преживеале во 1986.

Наспроти изнесеното во објавата, Алексеј Ананенко, Валери Безпалов и Борис Баранов кои што влегоа во подрумот да ги отворат вентилите за вода во Чернобил во 1986 година – сите тројца го доживеjаа следниот 21 век. Борис Баранов почина од срцев удар во 2005 година на возраст од 64 години. Валери Беспалов во 2021 година работел во ЕнергоАтом, државно претпријатие во Киев, што претставува спротивен факт на изнесениот во објавата што ја рецензираме дека тој загинал поради радиоактивно зрачење. А Алексеј Ананенко последен пат се споменува во медиумските известувања во 2024 година, иако претходно во 2019 година има давано интервјуа со физичко присуство на новинари кои биле да го посетат во Украина. Значи сите тројца преживеале во 1986 г.

Рецензираме објава на социјалната мрежа Фејсбук во која пишува:

Херојството на овие тројца ЛУЃЕ ја спаси Европа во 1986 година од Катастрофата во Чернобил. Тие доброволно се нурнаа во подрумот на реакторите исполнети со супа со радиоактивна вода под растопеното јадро на реакторот, што тивко гореше над нив, за да ги отворат вентилите за вода и да истече од поплавениот подрум со цел радиоактивната магма што се топеше над водата избегне допир со водата и да се избегне верижна реакција и експлозија што би збришала половина од Европа од радијација. Овие тројца херои сега се мртви од радиоактивното зрачење, откако се одважија да ја завршат најважната животна мисија што ја имаа, заедно со другите кои починаа чистејќи радио активни материјали, без скоро никаква заштита. Тие се познати како „Одреди за самоубиства“ во Чернобил, од хумана причина, јас би ја нарекол величенствена. Алексеј Ананенко, Валери Безпалов и Борис Баранов. Почит за овие 3-ца Херои!

Наспроти изнесеното во објавата, Алексеј Ананенко, Валери Безпалов и Борис Баранов кои што влегоа во подрумот да ги отворат вентилите за вода во Чернобил во 1986 година, сите тројца го доживеаа следниот 21 век.

Борис Баранов почина од срцев удар во 2005 година на возраст од 64 години. Тоа може да се види на фотографијата од надгробната плоча на следниот линк, каде е наведена годината на смртта – 2005. Во 2018 година, тој постхумно беше одликуван со орденот херој на Украина од страна на тогашниот претседател Петро Порошенко.

Валери Беспалов во 2021 година работел во ЕнергоАтом, државно претпријатие во Киев што претставува спротивен факт на изнесениот во објавата што ја рецензираме дека тој загинал поради радиоактивно зрачење.

Алексеј Ананенко пак, последен пат се споменува во медиумските известувања во 2024 година, иако претходно во 2019 година има давано интервјуа со физичко присуство на новинари кои биле да го посетат во Украина. Тоа покажува дека сите тројца преживеале во 1986 година.

Спротивно на извештаите дека тројцата нуркачи загинале од радијациски синдром како резултат на акцијата, сите тројца преживеаа. Сменоводителот Борис Баранов почина во 2005 година, додека Валери Беспалов и Алексеј Ананенко и двајцата инженери се уште се живи во Киев, извести „Би Би Си“ во 2019 година.

И од оваа медиумска куќа биле да го интервјуираат Алексеј Ананенко.

Работа ни беше тоа, изјавил за „Би Би Си“ Ананенко, додавајќи дека во тоа време бил на смена, а другите двајца колеги од тимот биле повикани од менаџерот зашто знаеле каде се наоѓаат вентилите и тоа ги правело подобни за работната задача.

Ако јас не го направев тоа, можеа да ме отпуштат од работа. Како би нашол работа после тоа?, рекол Ананенко за „Би Би Си“ во 2019 година, додавајќи дека не им било аплаудирано после враќањето, ниту им била дадена награда, бидејќи ова било сметано за вообичаена работна задача.

На следниот линк може да се прочита едно подолго интервју од Ананенко на кое тој ги покажува својата диплома за инженер, раскажува за вработувањето во „Чернобил“ итн.

Според страницата на Обединетите Нации за сеќавање на катастрофата „Чернобил“ од 26 април 1986 година, радијацијата се проширила на териториите на денешни Белорусија, Украина и Русија. Според официјалните извештаи 31 лице веднаш починале, а 600 илјади „ликвидатори“ инволвирани во гаснењето на пожарот и операции за чистење биле изложени на висока доза радијација. Базирано на официјалните извештаи, 8 милиони 400 илјади луѓе во Белорусија, Русија и Украина биле изложени на радијација. Околу 155 илјади квадратни километри територии во трите држави биле контаминирани, што е територија колку половина Италија. Близу 404 илјади луѓе биле раселени, но милиони продолжиле да живеат во средината каде изложеноста на радијација продолжила да креира здравствени проблеми.

Поради сите горенаведени факти објавата што ја рецензираме ја оценуваме како делумна невистина во поглед на делот дека трите наведени лица кои отишле во мисијата загинале од изложеност на радијација.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар