Главната улица во село Непроштено е асфалтирана

Од Drilon Saliu 0

 

Проект: Реконструкција на локалната улица во село Непроштено (2013-2014)   Буџет: 9 милион денари-Светска банка за градење и развој

ОБРАЗЛОЖЕНИЕ:

Во програмата „Заедно градиме“, кандидатот на ДУИ на локалните избори 2013 година, потоа градоначалник на Општина Теарце, Исен Асани, вети реконструкција на локалната улица во село Непроштено. Овој проект е исполнето ветување на градоначалникот на Општина Теарце, со забелешка дека тоа е направено со задоцнување од речиси две години од дадениот рок во програмата.

Според информациите пренесени во медиумите и на веб-страницата на Општина Теарце, локалната улица во Непроштено доби нов асфалт во декември 2015, иако нејзиното асфалтирање беше предвидено најдоцна до 2014 година.

На свеченоста ( 16.12.2015) беше присутен и заменик министерот Халими, кој за медиумите изјави:

Станува збор за инвестиција од страна на Министерство за транспорт и врски во соработка со локалната самоуправа во вредност од 9 милиони денари, кои што се донација од Светската банка за обнова и развој. Ние како министерство за Транспорт и врски во соработка со локалната власт, со градоначалникот на општината, вложивме труд за инвестиција во овој пат, како министерство за Транспорт и врски инвестиравме 9 милиони денари и усогласувајќи се со барањата на граѓаните, успеавме овој дел од патот да го направиме реалност. Секако дека нема да застанеме овде, ќе продолжиме да соработуваме со општина Теарце за други инвестиции, поставајќи на прво место барањата на општината и на граѓаните на ова општина.

На свеченоста по тој повод се огласи и градоначалникот Асани, тој изјави:

Ние како општина во соработка со централната власт  имајќи ги во предвид барањата на граѓаните, успеавме да им помогнавме на жителите на село Непроштено. Со соработката на локалната власт со централната власт, денеска сме сведоци на еден голем настан кој беше конкретизиран и реализиран. Затоа ние им честитаме на жителите за главната улица во ова село, која конечно е реалност и е асфалтирана, тоа што го потенцираше и заменик министерот, улицата е со вредност од 9 милион денари…Воедно, во мојот шест годишен мандат е реализирано водоснабдување, централното греење во училиштето, спортска сала, улици,  главната улица која денеска ја инаугурираме. Вкупната вредност на инвестициите во ова село е над 760 илјади евра.

За асфалтирање на локалната улица во село Непроштено се ажурирани детали и фотографии и во Годишниот извештај 2014-2017 ( стр. 9) на Општина Теарце. Имајќи ја предвид направената проверка,  иако со задоцнување од речиси 2 години, можеме да заклучиме дека проектот за „Реконструкција на локалната улица во село Непроштено’“е исполнето ветување на градоначалникот Асани.

ИЗВОРИ:

 

Оцени: Дрилон Салиу

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN