ВМРО-ДПМНЕ: Изградба на жичарница

Со овој проект се овозможува воздушно поврзување на Скопје со врвот на Водно. Проектот е наменет за сите граѓани и за туристите што сакаат да се рекреираат и да уживаат во убавините на Водно. За пензионерите користењето на жичарницата во одредени денови ќе биде бесплатно! Со овој проект се овозможува еколошки, безбеден и атрактивен превоз на релацијата Скопје–Водно и истиот е поделен во два потпроекта и тоа: Средно Водно – Милениумски крст. Изградбата на оваа делница е во завршна фаза и по комплетирање на сите градежни и монтажерски работи, вршење на неопходните проверки и тестови, жичарницата ќе биде пуштена во употреба. Вредноста на овој проект изнесува околу 11 милиони евра и средствата се обезбедени од буџетот на РМ. [Рок: јуни 2011]

По пуштањето на жичарницата од Средно Водно до Милениумскиот крст ќе се изврши анализа и ќе се оцени исплатливоста, начинот на финансирање и рокот за изградба на вториот дел од проектираната жичарница. Доколку биде анализата позитивна, ќе се пристапи кон изградба на жичарница на релација: Скопје – Средно Водно.

Образложение :

Ова ветување е исполнето. Жичарницата беше пуштена во употреба согласно рокот наведен во самото ветување.

Линкови:

• Пуштена во употреба жичарницата од Средно водно до Милениумскиот крст

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар