Изграден детскиот парк кај Теферич

Од Оливера Војновска 0
Детското игралиште на Теферич се протега на 70 метри квадратни Фото: Веб-страница на Општина Кисела Вода

Изградба на детски парк кај месноста Теферич.  (Рок за реализација: јули 2014 )

 

ОБРАЗЛОЖЕНИЕ:

 

Ново детско игралиште во Теферич е изградено во август 2015 година. „ Изградба на детски парк кај месноста Теферич “, градоначалничката на Општина Кисела Вода, Билјана Беличанец – Алексиќ,  вети во Изборната програмата (2013-2017) „Нови дела за нов напредок, нови дела за подобра Кисела Вода!“ (Комунални работи и инфраструктура – паркови, стр. 43). Така што,  ова е исполнето ветување на градоначалничката Беличанец – Алексиќ, со заберлешка дека  е реализирано една година подоцна од рокот наведен во  Изборната програма (јули 2014).

Детското игралиште беше  пуштено во употреба на 22 август 2015 година. Медиумите тогаш информираа дека игралиштето:

Се протега на околу 70 квадратни метри и е опремено со детски реквизити кои на најмладите им нудат можност за забава и релаксација.

Дечињата веќе максимално ги користат поставените реквизити – вртелешката, лизгалката, лулашките и клацкалката. Детското катче е надополнето и со урбана опрема-канти за отпадоци и клупи. За изградба на ова ново детско игралиште, општина Кисела Вода инвестираше 150 000 денари, а го изведоа  екипите на фирмата “Занаетчиска работилница – Чардак”- Скопје.

Паралелно, истата фирма, по налог на општината, работеше на реновирање на спортското игралиште во Теферич, кое се наоѓа веднаш до детското. Поставена е нова заштитна ограда, бојадисани се стативите, поставена е и нова мрежа на кошевите, по што овој спортски комплекс е подготвен и достапен за сите љубители на фудбалот и кошарката од овој дел на градот.
За обновата на ова спортско игралиште, општина Кисела Вода од својот буџет издвои 80 000 денари.

 

Истата информација  дека е изградено ново детско игралиште  кај Тефериќ може да се прочита и  на веб-страницата на Општина Кисела Вода.

 

ИЗВОРИ:

 

Оценето од: Оливера Војновска

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на текстот е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN