Изградено е спортско игралиште во Бутел 1

Од Оливера Војновска 0
Повеќенаменско игралиште во Бутел Фото: Општина Бутел

Проект: Изградба на повеќенаменско спортско игралиште во неселеното место Бутел 1

(Рок: март 2014)

ОБРАЗЛОЖЕНИЕ:

Проектот за изградба на  повеќенаменско спортско игралиште во  Бутел 1 е исполнето ветување на  градоначалникот на Општина Бутел, Петре Латиновски, дадено во изборната програма со која излезе  за локалните избори во 2013 година: „ Нови дела за нов напредок, нови дела за подобар Бутел!“ (Спорт и млади, стр. 24). Станува збор за ветување кое е дел од проектот на претходната Влада (предводена од ВМРО-ДПМНЕ) за изградба на „100 повеќенаменски спортски игралишта“.

Во ноември 2013 година медиумите информираа дека  заврши изградбата на повеќенаменското спортско игралиште во Бутел 1, а таква информација е објавена и на веб-страницата на Општина Бутел.

Изградбата на новото спортско игралиште во н. Бутел 1 заврши. Станува збор за спортско-рекреативен комплекс што се наоѓа во непосредна близина на ОУ „Св. Климент Охридски“.

Освен повеќенаменското спортско игралиште што се градеше во соработка со Агенцијата за млади и спорт, Општина Бутел изгради и паркинг простор на површина од 1 800 м2. (Денешен).

Спортското игралиште беше официјално пуштено во употреба во февруари 2014 година . На свеченоста по тој повод присуствуваа тогашниот премиер Никола Груевски и градоначалникот на Општина Бутел, Петре Латиновски.

 Игралиштето кое денеска официјално го пуштаме во употреба е нешто што го ветивме за време на кампањата…  (Груевски)

Задоволството е најголемо кога проектот којшто ќе се реализира го користат најмладите… (Латиновски)

Медиумите информира дека игралиштето е оградено и осветлено за да може да се употребува во доцните вечерни часови и на него може да се играат фудбал, кошарка, ракомет и други спортови.  Како што беше тогаш соопштено, за неговата изградба Владата инвестирала околу седум милиони денари, а Општина Бутел непосредно до него изградила паркинг.

Повеќенаменското спортско игралиште во Бутел  се спомнува и меѓу реализираните проекти во Отчетот (2016) на ВМРО-ДПМНЕ и коалицјата „За подобра Македонија”.

 

ИЗВОРИ:

 

Оцени: Оливера Војновска

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Овој напис е изработен во рамките на Проектот за зголемување на отчетноста и одговорноста на политичарите и партиите пред граѓаните, Вистиномер, имплементиран од Метаморфозис. Написот e овозможен со поддршка на американската непрофитна фондација (NED - National Endowment for Democracy) и Балканскиот фонд за демократија, проект на Германскиот Маршалов фонд на САД (BTD – The Balkan Trust for Democracy, a project of the German Marshall Fund of the United States), иницијатива која поддржува демократија, добро владеење и евро-атлантски интеграции во Југо-источна Европа. Содржината на рецензијата е одговорност на авторот и не ги одразува ставовите на Метаморфозис, National Endowment for Democracy, The Balkan Trust for Democracy, проект на Германскиот Маршалов фонд на САД, или нивните партнери.
Слични артикли

Оставете реакција

Јазици MK SQ EN