Измама: Објавата лажно нуди ранец за 145 денари

Станува збор за измамничка објава која сака да делува како вистинска со цел да ги намами следбениците и да ја испразни нивната банкарска сметка

 

Анализираме објава на Фејсбук која вели:

Sе otpustіvmе od Sport Vіsіon včеra. Zato što odbіv da rabotam tuǵa rabota za džabе. іskrеno, mі е dosta! Pa sеga kе spodеlam nеšto so vas što samo vrabotеnіtе vo prodavnісіtе trеbasе da go znaat. Povеḱеto lugjе pojma nеmaat, ama rеalno – možе da sі zеmеtе ranес od Thе North Faсе vo Sport Vіsіon za samo nеkolku dеnarі. Nі rеkoa strogo da nе go spomеnuvamе toa, ama mеnе іskrеno – nе mі е gajlе. Na nіvnіot sajt іma еdna skrіеna sеkсіja, odgovaraš na nеkolku smеšnі prašanja – і ranесot е tvoj! Go pravat ova za da ja іsčіstat starata zalіxa do krajot na mеsесot, prеd da ja pustat novata kolеkсіja. Kе ja ostavam vrskata vo komеntarі. Poglеdnеtе ja dodеka stranata uštе rabotі – і spodеlеtе so drugarіtе. Ajdе іskrеno – bі ćutalе lі ako prvі doznaеtе za vakvo nеšto?

Објавата со цел да изгледа што е можно поавтентично, е споделена од навидум приватен профил.

Под објавата има коментари во кои лица со странски имиња на македонски јазик наводно „сведочат“ за тоа како успешно го добиле ранецот за евтини пари.

Таа нуди и линк до веб-страница која го злоупотребува логото на позната продавница за спортска опрема „Спорт вижн“. Но, оваа веб-страница нема никаква врска со овој бренд што може да се види и од називот на домејнот (https://elevensblog.com).

Кога ќе ја отворите страницата се бара од вас да пополните кратка анкета од 8 прашања за наводно да го добиете ранецот.

По ова, ви се појавува картичка со опис на ранецот и информација дека истиот можете да го нарачате по цена од 145 денари.

Кога ќе стиснете на копчето „Продолжи“, се бара од вас да оставите лични и банкарски податоци за да го добиете наводно евтиниот ранец.

Профилот кој ја споделува објавата има само 110 следбеници, креиран е на 7 октомври, заедно со уште неколку други објави.

На официјалната Фејсбук страница на „Спорт вижн“, која има 225 илјaди следбеници, никаде не најдовме понуда на ваков ранец за 145 денари.

Ранец од брендот „North face“ може да се најде на официјалната веб-страница на „Спорт вижн“, но по цена од 5.590 денари. Ваков ранец по цена од 145 денари не успеавме да најдеме.

Очигледно е дека станува збор за измамничка објава која сака да делува како вистинска со цел да ги намами следбениците и да ја испразни нивната банкарска сметка.

Поради сето ова, објавата ја оценуваме како невистина.

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар