Измама: „Техномаркет“ не доделува апарат за кафе за 615 денари
Граѓаните не треба да ја пополнуваат табелата со лични податоци и со банкарски податоци која е оставена во склоп на објавата, бидејќи на таков начин измамници ќе дојдат до нивните лични и банкарски информации кои подоцна може да бидат злоупотребени – на измамнички начин може да се случи празнење на банкарските сметки а електричниот апарат со сигурност нема да пристигне.
Граѓаните не треба да ја пополнуваат табелата со лични податоци и со банкарски податоци која е оставена во склоп на објавата, бидејќи на таков начин измамници ќе дојдат до нивните лични и банкарски информации кои подоцна може да бидат злоупотребени – на измамнички начин може да се случи празнење на банкарските сметки, а електричниот апарат со сигурност нема да пристигне
Рецензираме објава на социјалната мрежа Фејсбук во која пишува:
Апарат за еспресо Philips LatteGO 4300 за само 615 ден. Поради затворањето на нашите магацини во Македонија, започнуваме онлајн распродажба каде што секој може да купи Philips LatteGO 4300 по неверојатна цена. Кликнете на копчето „Дознај повеќе“ под објавата за да учествувате во нашата распродажба.
Објавата се споделува од лажна страница која го злоупотребува името и брендот на синџирот маркети „Техномаркет“. Невистинитата Фејсбук страница има само 79 следбеници за разлика од официјалната Фејсбук страница на „Техномаркет“ која има 189 илјади следбеници.
На официјалната страница на „Техномаркет“ објавено е соопштение со кое се информира јавноста дека наградната игра што се споделува во друга група е невистинита.
ВАЖНО ИЗВЕСТУВАЊЕ!!!Почитувани потрошувачи,ТЕХНОМАРКЕТ МАКЕДОНИЈА Ве известува дека се појавија лажни фејсбук страници кои го злоупотребуваат името на нашата компанија и шират лажни информации за продажба на производи.Доколку веќе сте споделиле Ваши податоци со овие лажни страници веднаш избришете ги и пријавете ги кај администраторите на фејсбук, а доколку се сомневате дека оставените податоци се веќе злоупотребени известете го одделот за компјутерски криминал при МВР. ТЕХНОМАРКЕТ МАКЕДОНИЈА ДООЕЛ Скопје се оградува од сите дејствија настанати преку лажните фејсбук страници. Ве предупредуваме да не наседнувате, да не оставате Ваши податоци и да не учествувате во наградната игра зад која не стои официјалната страница на Техномаркет.Единствена фејсбук страница на Техномаркет Македонија е https://www.facebook.com/TehnomarketMakedonija/ а лажните страници се пријавени кај надлежните органи.Со почит,Техномаркет Македонија ДООЕЛ Скопје, се наведув во известувањето од компанијата.
Невистинитата објава води кон надворешна страница која е фабрикувана, а каде се бара да оставите лични податоци за наводно да добиете кафемат „Philips LatteGO 4300“ за само 615 денари – кој инаку има многу повисока цена. Невистинито се тврди и дека „количината на апаратите за кафе е ограничена“ за да се создаде илузија за итна реакција. Но, и ова е техника за да се испровоцира избрзан и непромислен чекор за граѓаните веднаш и некритички да кликнат и да нарачаат производ мислејќи дека тој набрзо ќе се потроши.
Граѓаните не треба да ја пополнуваат табелата со лични податоци и со банкарски податоци која е оставена во склоп на објавата, бидејќи на таков начин измамници ќе дојдат до нивните лични и банкарски информации кои подоцна може да бидат злоупотребени – на измамнички начин може да се случи празнење на банкарските сметки, а електричниот апарат со сигурност нема да пристигне.
Поради сите горенаведени факти објавата што ја рецензираме ја оценуваме како невистина.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар