Лага е дека 24 годишната тетовчанка починала од крварење а не од Ковид 19

Пишува Мирослава Бурнс

Заблуда и паника создаде информацијата пласирана во Фејсбук групата ,,Здравје со игла не влегува”, откако во Македонија почина најмладата жртва на коронавирусот, 24 годишна тетовчанка која се лекувала на Инфективната клиника.

Во оваа група на Фејсбук, со над 7.200 следбеници, споделена беше информација, односно Фејсбук статус на албански јазик со следната содржина:

Понатаму постот беше споделуван од членовите на оваа група и на нивните профили.

Меѓутоа, постот е манипулација и лага е дека девојката починала од крварење а не од коронавирусот. Причината  за ова е едноставна. Девојката за целото време и тек на хоспитализацијата била во изолирана, еднокреветна соба како што налага протоколот.

И директорката на Клиниката за инфективни болести и фебрилни состојби доктор Милена Стевановиќ за Слободен печат ја демантираше информацијата:

-Девојчето лежеше во еднокреветна соба па на интензивна нега каде е исто така еднокреветна собата, така да госпоѓата што го тврди ова, под услов да постои, треба да се срами. Жално е, изјави за Слободен печат директорката на Клиниката за инфективни болести и фебрилни состојби доктор Милена Стевановиќ.

Подоцна стана јасно, дека постот се однесува на случај во Косово и на 21 годишна девојка од Косово, а дека обвинувањата се за тамошен случај, а не за случајот кој ја вознемири македонската јавност.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар