Лажна фејсбук страница на КАМ ги мами граѓаните со измислена наградна игра

Станува збор за Фејсбук страница креирана на 18 јуни која има речиси 5.000 следбеници и која го користи логото на КАМ маркетите, кое иако е слично, не кореспондира со оригиналното. Истото е злоупотребено и искористено на главната фотографија на фан-страницата  

 

 

Пост на Фејсбук споделува објава за наводна наградна игра на „КАМ маркет“. Во постот објавен од страница насловена како „Кам маркет“ се мамат и манипулираат граѓаните дека компанијата „КАМ“ дава пакети парична помош. Она што се бара од следбениците на страницата е да го споделат постот во најмалку 5 групи и во коментар да ја напишат првата буква од своето име. Станува збор за Фејсбук страница креирана на 18 јуни која има речиси 5.000 следбеници и која го користи логото на „КАМ маркетите“, кое иако е слично, не кореспондира со оригиналното. Истото е злоупотребено и искористено на главната фотографија на фан страницата.

Во објавата се наведува:

ПОДАРОК ПАКЕТИ

Ова не е измама..

Денес нашата компанија донираше и подели финансиска помош на 200 среќници, ПРИЈАВЕТЕ СЕ ТУКА ЗА ДА ПОБЕДИТЕ� https://tinyurl.com/mr32rvvz �

Изберете ја првата буква од вашето име и ќе добиете парична награда врз основа на вашето име. Направете го тоа сега и верувајте ми!

А ➤ € 10.000 ��

Б ➤ 20.000 € ��

C ➤ € 30.000 ��

D ➤ € 50.000 ��

Е ➤ 20.000 € ��

F➤ € 20.000 ��

G➤ € 20.000 ��

H ➤ € 20.000 ��

I ➤ 10.000 ��

J ➤ 60.000 € ��

К ➤ 70.000 € ��

L 50 € 50.000 ��

М➤ 70.000 € ��

N ➤ € 60.000 ��

О ➤ 10.000 € ��

P ➤ € 40.000 ��

Q ➤ 20.000 € ��

R ➤ € 10.000 ��

S ➤ € 20.000 ��

Т ➤ 50.000 € ��

U ➤ € 60.000 ��

V ➤ 40.000 € ��

W➤ € 10.000 ��

X ➤ € 90.000 ��

Y ➤ € 30.000 ��

Z ➤ 50.000 € ��

ЗАБЕЛЕШКА. Оваа награда се доделува на секој кој никогаш не освоил награда. Ако никогаш не сте добиле подарок картичка, дајте некому шанса да победи.

Постот е исклучително вирален, за само еден ден откако е објавен има 13 илјади коментари, 3,2 илјади допаѓања и 3 илјади споделувања.

Доколку го отворите линкот оставен за регистрација, ќе видите дека на истиот се појавува грешка (ЕРОР).

На официјалната Фејсбук страница на „КАМ Маркет“, не може да се најде објава со ваква содржина. На официјалната Фејсбук страница има и линк до веб-страницата на КАМ, адреси на маркетите со работно време, нема никаква наградна игра и никој никому не му бара лични податоци за наводна награда што ја добил, како што тоа се прави на лажната страница.

Не е првпат името и логото на „КАМ маркет“ да бидат злоупотребени за лажни наградни игри со кои се мамат граѓаните.

Крајната мотивација на креаторот на лажната група е најверојатно да собере што поголем број следбеници, за потоа да ја ребрендира, преименува групата и да ја продаде. Тоа се има случувано и порано. На крајот од 2021 година, уште една лажна страница на КАМ  на сличен начин собираше следбеници и го добиваше своето присуство и популарност на социјалните мрежи.

Од сето ова можеме да заклучиме дека постот што го анализираме е невистинит.

 

 

 

 

 

 

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар