Лажна наградна игра: КАМ не подарува картичка со 30.000 денари

Во склоп на објавата има и лажно видео направено со кадри од КАМ маркетот, но со вештачки додадено сценарио и глас во позадина кој низ доста граматички и реченични грешки изнесува дезинформации. Гласот во видеото е очигледно производ на вештачката интелигенција, бидејќи автоматски со грешки ги чита зборовите во сценариото. Исто така, од самата содржина на тоа што го говори гласот креиран со вештачка интелигенција, може да се увиди дека станува збор за дезинформирачко видео. На пример, во видеото се тврди дека „точно пред 32 години КАМ маркет почнал да постои, па затоа сега даваат ваучери на тие што имаат 32 години“. Меѓутоа, на официјалната страница на КАМ маркетите, евидентно е дека маркетот во земјава постои од 1995 година, односно 30 години, а не 32 години како што невистинито се тврди во измамничката реклама.

Првата продавница на КАМ датира од 1995 година, со отворањето на првата продавница во приземјето на Градски Трговски Центар во Скопје, од страна на фирмата основач КАМФУД (сега КАМ ИМОБИЛИЕН). Отворањето на првата продавница во центарот на Скопје е настан кој го означи почетокот на една приказна за успешен и брз развој. До крајот на 2015 година, КАМ маркетите веќе станаа вообичаена глетка низ цела Македонија. Експанзијата на КАМ во Македонија траеше во континуитет во изминатите години се претвори во еден од најголемите синџири од маркети за прехранбени и непрехранбени производи. КАМ има мрежа од 85 маркети низ цела Македонија, а има и свои маркети во Бугарија, пишува на официјалната страница на КАМ.

Исто така, страницата од која се споделува објавата што ја рецензираме не е официјалната страница на КАМ маркетите којашто на Фејсбук има 339 илјади следбеници. Страницата не е официјалната, ниту пак, е на некој начин поврзана со брендот на КАМ.

Токму на официјалната Фејсбук страна на КАМ е објавено следното соопштение до јавноста: