Мајк Пенс ниту е клон, ниту убил 186 бебиња, ниту се обидел да го убие Доналд Трамп

Од Мирослава Симоновска On Nov 16, 2020 0

Во вирален пост на Фејсбук се изнесени скандалозни тврдења дека потпретседателот на САД, Мајк Пенс, и поранешен гувернер на државата Индијана, е клон, а дека ,,вистинскиот Мајк Пенс е егзекутиран на 4 јули минатата година”. Во постот паушално се додава и дека ,,Пенс бил обвинет и гонет за убиство на 186 бебиња и дека двапати се обидел заедно со Пол Рајан да го убие Доналд Трамп”

Во вирален пост на Фејсбук се изнесени скандалозни тврдења дека потпретседателот на САД, Мајк Пенс, и поранешен гувернер на државата Индијана, е клон, а дека ,,вистинскиот Мајк Пенс е егзекутиран на 4 јули минатата година“. Во постот паушално се додава и дека ,,Пенс бил обвинет и гонет за убиство на 186 бебиња и дека двапати се обидел заедно со Пол Рајан да го убие Доналд Трамп”.

Во склоп на постот се објавени две фотографии со кои се инсинуира дека Пенс изгледа различно во 2020 година отколку што изгледал во 2017 година, најверојатно за да се ,,поткрепи” тврдењето за клонирањето.

Нема наведено извор за ваквите небулози. Истражувавме на интернет и не успеавме да најдеме ниту еден извор, ниту една друга објава во која што Пенс е обвинуван за убиства, макар и како дел од некоја конспирациска теорија или политичка хајка од опонентите.

Ниту некој државен орган на било која земја, вклучително и САД, нема почнато истрага за изнесените тврдења кои се нафрлени во овој пост, ниту, пак, за овие наводни кривични дела има некакво обвинение.

Да се обвинува некој за убиство на 186 бебиња и два обиди за убиство на Трамп не е несериозна работа.

Кога ќе се пребара искористената фотографија од постот во пребарувачот Гугл, се доаѓа до информацијата дека таа е објавена на Твитер од корисник кој тврди дека Мајк Пенс е креиран во епрувета со хаштагот ,,клонови”. Меѓутоа, за сите додавки во однос на обвиненијата за убиства на бебиња не можат да се најдат никакви податоци или информации.

Што се сакало да се постигне со овие скандалозни обвинувања не е јасно, меѓутоа ниту еден извор во светот никогаш не објавил слични обвиненија за Пенс, ниту, пак, политичките опоненти на потпретседателот на САД некогаш изнеле вакви обвинувања против него.

Со оглед на фактот што за ваквите обвинувања не може да се најде никаков извор и со оглед на тоа што тврдењата во постот се непоткрепени со било каков аргумент, овој пост го сметаме за невистинит.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар