Марјанчо Николов

Марјанчо Николов е член на СДСМ, кој досега четири пати бил пратеник во Собранието на Република Македонија.

ПРИВАТЕН ЖИВОТ

Роден е на 18.10.1971 година во Велес. Македонец по националност.

ОБРАЗОВАНИЕ

Дипломирал на Економскиот факултет при универзитетот „Св. Кирил и Методиј“ – Скопје.

ПОЛИТИЧКА КАРИЕРА

Политичката кариера  ја  започнува  како  член  на Советот на Општина Велес во 2000 година, а на локалните избори  во 2005 година станува и претседател на Советот.

Бил пратеник од редовите на СДСМ во Собранието на Република Македонија во четири мандати досега, односно бил избран на изборите во 2006, 2008, 2011 и 2014 година.

Во досегашниот парламентарен состав Марјанчо Николов беше заменик-претседател на Буџетски совет на Собранието на Република Македонија, како и претседател на Комисијата за финансирање и буџет, и член или заменик член на неколку комисии.

Тој беше и претседател на Пратеничката група на Собранието на Република Македонија за соработка со Парламентите на Република Исланд и Кралството Норвешка, како и член на Пратеничка група на Собранието на Република Македонија за соработка со Парламентот на Италија и на Пратеничка група на Собранието на Република Македонија за соработка со парламентите на земјите од Латинска Америка и од Карибите.

ИЗВОРИ

Веб-сајт на Собрание на Република Македонија – Пратенички состав 2014-2018 – Марјанчо Николов

Прирачник за Парламентарни избори во Република Македонија 2014 година на Фондацијата „Конрад Аденауер“ и на Институтот за демократија „Societas Civilis“ – Скопје

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар