Не е точно дека Марк Руте сакал да легализира педофилија и зоофилија

Не може да се тврди дека Марк Руте сакал (или дека направил каква било официјална иницијатива) да легализира педофилија или зоофилија. Тврдењата дека „тој тоа го сакал“ немаат кредибилна, основа и спаѓаат во категорија на недокажани (или очигледно манипулативни) информации

Анализираме објава на социјалната мрежа Фејсбук која вели:

ако мислите дека така од #немајкаде ја  викам #педофлскаЕУ сте се заебале вие предавници од ЕТНОЦИДНАТА ГЕНОЦИДНА #ФАШИСТИЧКА ТВОРБА #НАРЕЧЕНА СЕВЕРЏАНИЈА кои ги #ГЛАСАТЕ оние кои #педофлскаЕУ  му е безалтернативна

многу многу одамна пред орбан да го #објави дека е педофил   јас #дедо Гоце го знаев и не е тој #само сите се такви #сатански слуги

алооооо БОЛНОУМНИ  ало #РЕТАРДИРАНИ ова копиле сега е #главен на #сатанскоНАТО а вие сте заедно со #сДсШиптарска и #дпСнеУдбашка таму

КРАЈОТ ЧЕ ВИ БИДЕ #МНОГУ МНОГУ СТРАШЕН што овие ви се газди а #ВИЕ нивни #СЛУГИ.

Објавата е придружена од видео во кое се тврди дека генералниот секретар на НАТО, Марк Руте, поранешен холандски премиер, сакал да ги легализира педофилијата и зоофилијата.

Објавата ваквите тврдења ги нуди без никакви докази и аргументи, односно, никаде не посочува на некоја јавна објава на Руте во која тој се залагал за легализација на педофилијата и зоофилијата.

Вистиномер не успеа да најде веродостојни докази дека е тврдењето во објавата е точно, односно, нема јавни, проверени изјави од Руте каде тој јасно вели дека сака да легализира педофилија или зоофилија.

Постојат тврдења, на пример преку унгарскиот медиум „Magyar Nemzet“, дека Руте „претходно сакал да легализира педофилија и зоофилија“, но ова се непотврдени информации – не се наведени конкретни изјави, документи или легислативни предлози од Руте кои би го поддржувале тоа тврдење.

Одговарајќи на обвиненија од други државници дека во Холандија постојат партии што пропагираат педофилија, Руте јасно одговорил дека „пропагандата на педофилија е забранета“ во Холандија.

Историјата на дебатите за педофилија/зоофилија во Холандија е доста контроверзна – имало групи кои застапувале легализација, како Vereniging Martijn, но тие се исфрлени од легалниот систем и нема доказ дека Руте поддржувал вакво нешто.

Ваквите тврдење често се дел од политички или идеолошки пропаганди – тврдења од медиуми со сомнителен кредибилитет кои може да сакаат да дискредитираат политичари. Понекогаш се мешаат факти (на пример: дека во минатото имало групи што застапувале легализација) со шпекулации и претпоставки, што создава забуна во јавноста.

Од сето погоре можеме да заклучиме дека не може да се тврди дека Марк Руте сакал (или дека направил каква било официјална иницијатива) да легализира педофилија или зоофилија. Тврдењата дека „тој тоа го сакал“ немаат кредибилна, основа и спаѓаат во категорија на недокажани (или очигледно манипулативни) информации.

Поради тоа објавата што ја анализираме, ја оценуваме како невистина.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар