Не е точно дека сода бикарбоната го убива дијабетесот за 24 часа
Не постои научен доказ дека сода бикарбона може да излекува дијабетес воопшто. Дијабетесот е комплексна состојба која бара соодветен медицински менаџмент, вклучително контрола на храната, вежбање и препишани лекови. Не постои „државна програма за бесплатни лекови за дијабетичари“ во која што е вклучен суплементот од рекламата во објавата што ја рецензираме. Државната програма е за набавка на инсулин, за ленти за мерење на шеќерот и за лекови регистрирани во Агенцијата за лекови и медицински средства, меѓу кои суплементот не е вклучен.
Не постои научен доказ дека сода бикарбона може да излекува дијабетес воопшто. Дијабетесот е комплексна состојба која бара соодветен медицински менаџмент, вклучително контрола на храната, вежбање и препишани лекови. Не постои „државна програма за бесплатни лекови за дијабетичари“ во која што е вклучен суплементот од рекламата во објавата што ја рецензираме. Државната програма е за набавка на инсулин, за ленти за мерење на шеќерот и за лекови регистрирани во Агенцијата за лекови и медицински средства, меѓу кои суплементот не е вклучен
Рецензираме објава на социјалната мрежа Фејсбук во која се споделува видео и пишува:
Државната програма започна да обезбедува бесплатни лекови за дијабетичарите за лекување и превенција на компликации. Благодарение на доделените државни квоти, секој човек со дијабетес може да добие лекови кои ќе помогнат во контролирање на нивото на шеќер во крвта и ќе спречат развој на сериозни последици од болеста.
Во споделиот видеоматеријал се тврди дека „сода бикарбоната го убива дијабетесот за 24 часа“. Во видеото лажно се тврди дека „ќе можете да јадете што сакате и нема да се грижите за шеќерот, бидејќи нашиот тим со научници од Оксфорд го откри вистинскиот причинител на дијабетесот после 300 тестирања“.
Едноставен десетсекунден метод со користење на сода бикарбона, се вели во видеото и се додава дека таа „уништува молекула причинител на дијабетесот“.
Во видеото кое е создадено со голем број технички грешки затоа што е користена вештачка интелигенција (ВИ) неправилно се прочитани и бројките и се вели дека „повеќе од сто нула нула нула луѓе низ цела Македонија веќе се ослободиле од дијабетесот користејќи го овој метод“. На екранот постојано се појавува некој препарат со име „глико сенс“ (Glyco Sense). Според рекламата, методот требало да се применува „10 секунди пред спиење“(?) и се ветува дека со него „ќе ги заборавите константните скокови во шеќерот“. Лажно се тврди дека „алчните фармацевтски компании ќе го отстранат видеото после некој период“, со што се прави притисок врз граѓаните кој е лажен маркетиншки трик со цел тие да почувствуваат притисок дека ако не реагираат веднаш, наводно оваа можност ќе исчезне да го добијат таканаречениот „лек“.
Ваквата реклама не само што е опасна, туку може да доведе до фатални последици за граѓаните кои страдаат од дијабетес. Во Република Северна Македонија Владата преку посебна програма се грижи за дијабетичарите и Министерството за здравство е единственото коешто набавува инсулин и медикаменти за контрола на шеќерот, според медицински индикации и според регистар на граѓани кои имаат дијабетес, а им обезбедува и инсулински ленти за мерење на шеќерот и апарати наречени глукомери. Министерството за здравство е единственото во земјава коешто е овластено за медикаментозната терапија и набавката на инсулин, преку строго регулирана процедура. Така е со години откако во минатото постоеа индиции дека дијабетичарите добиваат инсулин за кој не се знае со каков квалитет е.
Затоа, секоја ваква реклама во која се тврди дека некаков препарат со сода бикарбона ќе го излекува дијабетесот за 24 часа, не само што е ненаучна, неверодостојна и медицински неоправдана, туку и може да биде исклучиво погубна за граѓаните и дијабетичарите. Граѓаните не треба да купуваат вакви препарати без консултација со нивниот ендокринолог, којшто е единствениот задолжен за контролата на дијабетесот кој е сериозна здравствена состојба што загрозува илјадници пациенти во Македонија.
Не постои научен доказ дека сода бикарбона може да излекува дијабетес воопшто. Дијабетесот е комплексна состојба која бара соодветен медицински менаџмент, вклучително контрола на храната, вежбање и препишани лекови. Иако некои студии го испитуваат ефектот на сода бикарбона врз воспаленијата, но таа не го регулира шеќерот во крвта ниту пак ги заменува лековите за дијабетес и целиот третман. Секогаш потпирајте се на здравствена грижа базирана на медицински докази и консултирајте лекар за менаџмент на дијабетесот ефективно, пишуваат проверувачи на факти од Индија, каде што оваа дезинформација исто така се проширила, со само една разлика од македонската верзија – наместо за 1 ден, лажното лекување ќе настапело за 3 дена.
На следниот линк може да видите клиничка студија, во која било испитувано дали сода бикарбона влијае на нивото на шеќер во крвта кај луѓе што не се дијабетичари, а се на поодмината возраст, и одговорот е негативен. Ниту една поголема здравствена организација, како на пример Светската здравствена организација, не признава сода бикарбона како третман за дијабетес.
Доктор Убаид Рахман од Њу Делхи наведува дека дијабетесот бара доживотен менаџмент преку промени во животниот стил, редовно вежбање и медицински третман.
Третманот базиран на докази, вклучително и препишана терапија и мониторинг е есенцијален за контрола. Да се потпирате на недокажани работи како сода бикарбона, може да го одложи соодветниот третман и да води кон сериозни компликации, изјави тој.
Наспроти изнесеното во видеото, не постојат научни докази дека сода бикарбоната може да го регенерира панкреасот или да ги нормализира нивоата на шеќер. Дијабетесот, независно дали е тип 1 или 2, е комплексно метаболичко нарушување што бара долготраен менаџмент.
Компликациите од дијабетес се ампутација на нога, слепило, удар, поради неконтролиран шеќер во крвта.
Сода бикарбона не лекува дијабетес. Менаџирањето на дијабетесот вклучува медицинска супервизија, а не неверификувани работи. Нема научни докази дека сода бикарбона може да го регенерира панкреасот или да го нормализира нивото на шеќер, вели доктор Свати Дејв.
Не постои „државна програма за бесплатни лекови за дијабетичари“ во која што е вклучен суплементот од рекламата во објавата што ја рецензираме. Државната програма е за набавка на инсулин, за ленти за мерење на шеќерот и за лекови регистрирани во Агенцијата за лекови и медицински средства, меѓу кои суплементот не е вклучен.
Поради сите горенаведени факти објавата што ја рецензираме ја оценуваме како невистина.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар