Нема никаков план на западниот свет за поделба на С. Македонија
Тврдењето дека „западниот свет има план за Република Македонија“ според кој државата ќе биде поделена меѓу соседните земји е непоткрепено со факти и докази. Споделената карта не претставува официјален документ, ниту постои меѓународна иницијатива што предвидува територијална поделба на С. Македонија.
Тврдењето дека „западниот свет има план за Република Македонија“ според кој државата ќе биде поделена меѓу соседните земји е непоткрепено со факти и докази. Споделената карта не претставува официјален документ, ниту постои меѓународна иницијатива што предвидува територијална поделба на С. Македонија
Анализираме објава на социјалната мрежа Фејсбук која споделува некаква мапа на која е прикажано како Македонија е поделена меѓу Србија, Бугарија, Грција и Албанија и вели:
Планот на западниот свет за Република Македонија, кому полтронски му се додворуваме и покоруваме, водејќи политика по нивни диктат….
Во објавата не се приложува ниту еден официјален документ, дипломатска иницијатива, меѓудржавен договор или изјава од релевантни меѓународни институции што би потврдила дека постои план за територијална поделба на државата.
Напротив, Република Северна Македонија е меѓународно призната и суверена држава, членка на НАТО од 27 март 2020 година и земја кандидат за членство во Европската Унија уште од 2005 година. Преговорите за членство во ЕУ официјално започнаа во 2022 година.
Според официјалните информации на НАТО, Република Северна Македонија стана 30-та членка на Алијансата во март 2020 година, откако сите земји членки го ратификуваа пристапниот протокол.
Исто така, Советот на ЕУ наведува дека земјата добила кандидатски статус во 2005 година, а првата меѓувладина конференција со ЕУ се одржала во јули 2022 година.
Картите што циркулираат на интернет и прикажуваат сценарија за поделба на Македонија најчесто немаат назначен автор, институција, датум на изработка или методологија. Нивното постоење само по себе не претставува доказ за постоење на официјална политика.
Во конкретниот случај, не е наведено кој ја изработил картата, кога е создадена и врз основа на какви податоци. Без такви информации, таа не може да се смета за веродостоен извор.
Дополнително, современиот меѓународен поредок се темели на принципот на неповредливост на границите и почитување на суверенитетот на државите. Секоја евентуална промена на границите би барала сложени меѓународни процедури, согласност на засегнатите страни и широко меѓународно признавање, за што нема никакви индиции.
С. Македонија навистина има отворени политички и историски прашања со соседите, особено во контекст на европските интеграции и односите со Бугарија, како и обврските што произлегуваат од Преспанскиот договор со Грција. Но, тие спорови се однесуваат на прашања поврзани со историјата, јазикот, малцинските права и процесот на пристапување во ЕУ, а не на територијални претензии или поделба на државата.
Иако во јавноста често се зборува за надворешни притисоци врз македонската политика, тоа не претставува доказ дека постои координиран западен проект за укинување или распарчување на државата.
Тврдењето дека „западниот свет има план за Република Македонија“ според кој државата ќе биде поделена меѓу соседните земји е непоткрепено со факти и докази. Споделената карта не претставува официјален документ, ниту постои меѓународна иницијатива што предвидува територијална поделба на С. Македонија.
Поради тоа, објавата ја оценуваме како невистинита.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
