Никој не планира никакви климатски заклучувања

Фото: Википедија

Советот на округот Оксфордшир не планира да воведе „климатски заклучувања“ и не одобри мерки за таа цел. Во постот што се шири на Фејсбук погрешно се толкува донесувањето на низа мерки наменети за намалување на патниот сообраќај во градот Оксфорд 

 

Советот на округот Оксфордшир не планира да воведе „климатски заклучувања“ и не одобри мерки за таа цел. Во постот што се шири на Фејсбук погрешно се толкува донесувањето на низа мерки наменети за намалување на патниот сообраќај во градот Оксфорд 

 

Рецензираме пост на Фејсбук кој прави каша попара од две неповрзани вести, кои се „исфилувани“ со цел да шират лаги дека на човештвото му се подготвуваат некакви климатски заклучувања. Во постот е вмешана и Канада, но и Оксфорд од Англија, а искористена е фотографија од Австралија.

Офф леле, пак ќе не затвараат ко стока??? Еве глобалистите си планираат да си започнуваат со климатски заклучувања.
А што бива ако не сакаме?
Кастро (Trudo) гарант ке најде решение како да се ослободиме од нашите маки! ( неодамна рекоа невакцинираните се ментални случаеви, а за ментални случаеви или било како вид на инвалидитет, ке има евтаназија )
Ех Канада земја на можностите..

Постот споделува фотографија на која стои натпис: „Оксфорд2024: Почнуваат климатските заклучувања – ќе бидете следени и заробени во вашето предградие и ќе бидете среќни поради тоа“.

Каква врска има Оксфорд во целата приказна?

Новите мерки донесени од Советот на округот Оксфордшир предизвикаа загриженост кај некои коментатори, кои ги карактеризираа неговите планови како санкционирање на „климатски заклучувања“.

Советот на округот Оксфордшир не планира да воведе „климатски заклучувања“ и не одобри мерки за таа цел. Поддржувачите на ова тврдење погрешно го протолкуваа донесувањето на низа мерки наменети за намалување на патниот сообраќај во градот Оксфорд.

Како што пишуваат странски проверувачи на факти, мерките што ги воведе Советот вклучуваат шест сообраќајни пробни филтри низ градот. Сообраќајните филтри се дизајнирани да го намалат сообраќајот, да ги направат побрзи патувања со автобус и да го направат пешачењето и возењето велосипед побезбедно. Шемата ќе се спроведува со помош на камери за автоматско препознавање на регистарските таблички. Тие ќе работат за време на шпиц во сообраќајот. Кога ќе работат филтрите, приватните автомобили нема да се пропуштаат низ сообраќајните филтри без дозвола. Сите други возила, вклучувајќи автобуси, автобуси, такси, комбиња, мопеди и тешки возила ќе бидат дозволени во секое време. Дозволите ќе бидат достапни за носители на сини значки, здравствени работници и професионални и непрофесионални работници за нега. Возачите кои поминуваат без дозвола или ослободување ќе бидат казнети 70 фунти.

Целта на овие мерки е да се намали бројот на автомобили на патиштата и да се промовираат поодржливи методи на патување. Тие ќе стапат на сила во 2024 година. Советот планира и низа други мерки кои имаат за цел да ја намалат потребата од патување со автомобил.

Коментирајќи ги наводните придобивки од оваа шема, Зухура Пламер, директорка на кампањата во Оксфордшир Ливебл стритс, во изјава за Би-Би-Си, вели:

Официјалната анализа на шемата покажа дека тоа ќе значи 35% помалку сообраќај, жртвите на патиштата ќе се намалат за 9%, автобусите во сообраќаен метеж ќе сообраќаат за 15% побрзо и загадувањето на воздухот ќе се намали во 91% од локациите.

Додека плановите на Советот на округот Оксфордшир добија противење од некои жители на разумна основа, нема докази дека тие санкционираат „климатски заклучувања“ или какви било слични драконски мерки.

Што се однесува до фотографијата пласирана во постот, таа е дел од Мелбурн планот (2017-2050) за „20-минутно соседство“.

Според овој план, 20 минутното соседство е за „живеење локално“ – давајќи им на луѓето можност да ги задоволат повеќето од нивните дневни потреби за 20 минути пешачење од дома, со безбедно возење велосипед и локален транспорт.

Тековниот Проект за стратешко планирање на општината е заеднички проект на DELWP и локалната самоуправа за да се создаде подобро планирање за центрите за активности во соседството за да се испорачаат  „20 минутни населби“.

Градските совети на Банјуле, Даребин, Маронда, долината Муни и Витлси тестираат нацрт-упатство за поддршка на планирањето на мрежата на центрите за активности врз основа на нивните локални потреби и приоритети.

Резултатите од проектот ќе ги дадат идните насоки за да се осигури дека тој е робустен и погоден за намената.

Што се однесува до тврдењето во постот дека во Канада „неодамна рекле дека невакцинираните се ментални случаи и дека за нив ќе има евтаназија“, и ова не е точно.

Корисници ширеа невистини дека регулаторната агенција за лекари во Онтарио советувала на невакцинираните лица да им се дијагностицираат ментални здравствени состојби и тие да се лекуваат. Некои корисници отидоа понатаму, велејќи дека целата земја ќе наложела такви акции. Ваквите тврдења ги провери сервисот за проверка на фактите на Асошиејтед прес и ги оцени како лажни.

Што се однесува до евтаназијата, точно е дека таа е легална во Канада од 2016 година, но никој  не може да ви направи евтаназија без ваша согласност. Во Канада се дозволени претходни директиви за евтаназија доколку смртта е разумно предвидлива, доколку е веројатно дека ќе ја изгубат способноста да се согласат во блиска иднина (како во случаи на деменција или Алцхајмерова болест каде што пациентите можеби ќе сакаат да умрат откако ќе достигнат напредна состојба на ментален пад).

За да добијат евтаназија, пациентите кои доживуваат неподносливо страдање мора да потпишат писмено барање во кое ја изразуваат својата желба да го завршат својот живот пред еден независен сведок кој може да потврди дека тоа е направено доброволно без принуда. Следно, двајца лекари и/или медицински сестри мора независно да го потврдат својот писмен договор дека пациентот има неизлечива тешка и непоправлива медицинска состојба која е во напредна состојба на неповратно опаѓање и дека пациентот е способен и подготвен да прими евтаназија. Доколку нивната смрт не е разумно предвидлива, медицински експерт во основната здравствена состојба мора да го потпише барањето, нивната проценка мора да трае најмалку 90 дена и тие мора да бидат информирани и да ги одбијат сите други форми на третман, вклучително и палијативната нега.

Од сето погоре можеме да заклучиме дека никој не спроведува никакви планови за некакви климатски заклучувања. Не е точно дека невакцинираните во Канада се третираат како ментални случаи и дека за нив ќе  имало евтаназија. Според тоа, постот што го рецензираме го оценуваме како невистинит.

 

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар

Оставете реакција