Обновена е атлетската патека на спортскиот центар во Кавадарци
Градоначалникот на Кавадарци, Митко Јанчев во кампањата за локалните избори (октомври 2017 година), во рамки на реконструкција на спортскиот центар „Јасмин“ вети и:
Обновување на трим патеката на СЦ „Јасмин“
[Извор: Прес24 (Ветени проекти Митко Јанчев за локалните избори 2017 во Кавадарци, датум: октомври 2017]
ОБРАЗЛОЖЕНИЕ:
Изборното ветување на градоначалникот на Кавадарци, Митко Јанчев за обновување на атлетската патека во спортскиот центар „Јасмин“, е исполнето.
Во текот на 2018 година направено е асфалтирање на атлетската патека, оградување на спортскиот центар и поставено е ново јавно осветлување на теренот и на трим патеката.
Атлетската патека од надворешната страна е обрабена со нови ивичници, а земјената подлога е заменета со асфалт со дебелина од 5 см на вкупна површина од 3.150 метри квадратни. Покрај асфалтирањето на атлетската патека, проектот опфати нејзино проширување на делницата од 100 метри, како и ревитализација на јавното осветлување. Во рамките на овој проект извршена е целосна замена на подземната нисконапонска мрежа на постојните 14 столбови поставени околу атлетската патека.
Информации и фотографии за ова се објавени во дел од медиумите и на веб-страницата на Општина Кавадарци.
Обновувањето на атлетската патека во спортскиот центар „Јасмин“ се споменува и меѓу реализираните проекти во Отчетот (стр.3) на градоначалникот Јанчев за две години од неговиот мандат. За реконструкцијата на овој спортски објект е наведено:
Теренот на СЦ Јасмин доби нов лик. Извршено е асфалтирање на патеката, оградување на комплексот и целосно ново осветлување.
ИЗВОРИ:
- Прес 24 (01.10.2017): Јанчев: Нудиме иновативни проекти и трајни решенија за клучните проблеми на кавадарчани [Проверено на: 07.02.2020]
- Веб-страница на Општина Кавадарци (08.2018): Асфалтна подлога на атлетската патека на спортскиот центар [Проверено на: 07.02.2020]
- Веб-страница на Општина Кавадарци (19.07.2018) Нова атлетска патека и обновено осветлување на СЦ „Јасмин“ [Проверено на: 07.02.2020]
- КТВ (22.08.2018): Изградба на улици, тротоари и реконструкција на атлетската патека на СРЦ „Јасмин“[Проверено на: 07.02.2020]
- Веб-страница на Општина Кавадарци: Две години градоначалник – Отчет [Проверено на: 07.02.2020]
- Опсервер (24.07.2017): Ревитализација на спортскиот центар „Јасмин” во Кавадарци
[Проверено на: 07.02.2020] - МТМ (11.12.2018): Продолжува обновата на Спортскиот центар „Јасмин” во Кавадарци [Проверено на: 07.02.2020]
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар